ბათუმის შოთა რუსთაველის სახელმწიფო უნივერისტეტის იურიდიული და სოციალურ მეცნიერებათა ფაკულტეტის, საზოგადებროვ და პოლიტიკურ მეცნიერებათა დეპარტამენტის ასოცირებულმა პროფესორებმა ირაკლი გორგილაძემ, ლაშა ბაჟუნაიშვილმა და საფინანსო, საბანკო და სადაზღვევო საქმის დეპარტამენტის მოწვეულმა სპეციალისტმა ლაშა ბერიძემ მონაწილეობა მიიღეს ზალცბურგის პარის ლოდრონის უნივერსიტეტის (ავსტრია) პოლიტიკის მეცნიერებათა დეპარტამენტის მიერ ორგანიზებულ სამეცნიერო ღონისძიებაში - PoSIG-ის მასწავლებელთა აკადემია - "მდგრადობა კონფლიქტების ფონზე: მიგრაცია, გენდერი და მმართველობა" (მოხსენების სათაური - „რევერსული მიგრაცია და საქართველოს უსაფრთხოების დილემა უკრაინაში რუსული აგრესიის ფონზე“. ბსუ-ს პროფესორ-მასწავლებლებმა ასევე ჩაუტარდათ ტრენინგი - ხარისხის მენეჯმენტისა და ერთობლივი კურიკულუმის განვითარება. ვიზიტის ფარგლებში თანამშრომლობის გაღრმავების მიზნით, შეხვედრები გაიმართა ევროპის უნივერსიტეტების წარმომადგენლებთან.

ანალიტიკური პლატფორმა კომენტარის წარმომადგენლები სოფო ვერულიძე და ნინა ჩიხლაძე ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის სტუდენტებს შეხვდნენ. შეხვედრის ფარგლებში მომხსნებელებმა სტუდენტებს გააცნეს აქტუალური სამართლებრივი საკითხები, ისაუბრეს მართლმსაჯულების რეფორმებსა და საერთაშორისო გამოცდილებებზე. პრეზენტაციების შემდეგ, სტუდენტების მონაწილეობით საინტერესო დისკუსია გაიმართა.

საქართველოს ფინანსთა სამინისტროს საგამოძიებო სამსახურის წარმომადგენლები იურიდიული და სოციალურ მეცნიერებათა ფაკულტეტის სტუდენტებს შეხვდნენ. შეხვედრაზე საგამოძიებო დეპარტამენტის უფროსმა ლევან ძნელაძემ სტუდენტებს გააცნო საგამოძიებო სამსახურის საქმიანობა, არსებული გამოწვევები, ბოლო პერიოდში განხორციელებული მნიშვნელოვანი ცვლილებები და გასულ წელს მიღწეული შედეგები.

ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და ორგანიზაცია „ვემსახურები საქართველოს“ თავმჯდომარემ მარინე საბიაშვილმა თანამშრომლობის მემორანდუმს მოაწერეს ხელი. დოკუმენტი მიზნად ისახავს სტუდენტების ცნობიერების ამაღლებას სამხედრო-სამოქალაქო თავდაცვით საკითხებში, სახელმწიფოებრივი და ეროვნული აზროვნების განვითარებას, სამოქალაქო თვითშეგნებისა და პასუხისმგებლობის ამაღლებას. მემორანმდუმის ფარგლებში სტუდნეტები მონაწლეობას მიიღებენ ორგანიზაცია „ვემსახურები საქართველოს“ მიერ დაგეგმილ წვრთნებსა და სწავლებებში.

აიპ სამართლის განათლებისა და ექსპერტიზის ცენტრ „მართლმსაჯულების სახლის" და USAID სამართლის უზენაესობის პროგრამის მხარდაჭერით, ბათუმის შოთა რუსთაველის სახელმწიფო უნივერსიტეტში ექვსთვიანი სამართლის სასწავლო პროგრამის შემაჯამებელი ღონისძიება ჩატარდა. შემაჯამებელ ღონისძიებაზე პროგრამის მონაწილე ბსუ-ს სტუდენტებს: ლანა ანანიძეს, სალომე დავითაძეს, იამზე ბერიძესა და ზურა გუჯაბიძეს სერტიფიკატები გადაეცათ, ხოლო ზურა გუჯაბიძეს, როგორც პროგრამის საუკეთესო მონაწილეს ასევე შესაძლებლობა მიეცა „მართლმსაჯულების სახლის“ იურიდიულ კომპანიაში გაიაროს საადვოკატო საქმიანობის ლიცენზიის მიღებისათვის საჭირო პროფესიული სტაჟირება. სერტიფიკატების გადაცემის ღონისძიებას ესწრებოდნენ მართლმსაჯულების სახლის ხელმძღვანელი, ეკა ბესელია და USAID სამართლის უზენაესობის პროექტის ხელმძღვანელის მოადგილე ნილ ვაინშტაინი.