იურიდიულ და სოციალურ მეცნიერებათა ფაკულტეტის საჯარო მმართველობის საგანმანათლებლო პროგრამის მეორე კურსის სტუდენტებს სასწავლო კურსის - პერსონალის შერჩევა და მართვა-ს ფარგლებში, სასტუმრო „ჰილტონში“ HR-მა ბატონმა გენო ძიძიგურმა საჯარო ლექცია ჩაუტარა. სტუდენტები გაეცნენ HR-ის საქმიანობის არეალს, ვაკანსიების მომზადებისა და გამოცხადების პროცედურებს, გასაუბრების დროს მინიჭებულ პრიორიტეტებს, დასაქმებულთა მოტივაციისა და წახალისების სხვადასხვა ფორმასა და საშუალებას. საჯრო ლექცია ორიენტირებული იყო თეორიული და პრაქტიკული სწავლების კომბინაციით სტუდენტებში შესაბამისი უნარების განვითარებაზე, თეორიული ცოდნის პრაქტიკაში სწრაფ ტრანსფერზე.

საარჩევნო სისტემათა საერთაშორისო ფონდისა (IFES) და ბათუმის შოთა რუსთაველის სახელმწიფო უნივერსიტეტის თანამშრომლობის ფარგლებში, ბსუ-ში დისკუსია გაიმართა თემაზე: „საქართველოში ადამიანის უფლებების დაცვის მიმართულებით არსებული გამოწვევები და პროგრესი“. ღონისძიება გახსნეს და მონაწილეებს მიესალმნენ ბსუ-ს რექტორი, პროფესორი მერაბ ხალვაში, საქართველოს სახალხო დამცველის მოადგილე გიორგი ბურჯანაძე, საარჩევნო სისტემათა საერთაშორისო ფონდის (IFES) წარმომადგენლები დავით ღონღაძე და ლელა ჯავახაშვილი.

ბსუ-ში იურიდიულ და სოციალურ მეცნიერებათა ფაკულტეტის სტუდენტებთან მიგრაციის საერთაშორისო ორგანიზაციცია IOM -მა საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის აჭარის ბიუროსთან თანამშრომლობით, მიგრაციის და უსაფრთხო გადაადგილების საკითხებთან დაკავშირებით საინფორმაციო შეხვედრა გამართა. შეხვედრაზე საუბარი შეეხო ევროკავშირის პროგრამებით საქართველოს მოქალაქეებისათვის გახსნილ შესაძლებლობებს და იმ რისკებსა და საფრთხეებს, რაც ამ პროგრამებში არამართლზომიერ ჩართულობას და წესების დარღვევით გამოყენებას ახლავს თან.

ბათუმის შოთა რუსთაველის სახელმწიფო უნივერსიტეტში სტუდენტებთან შეხვედრა გაიმართა თემაზე: „ევროპა, საქართველო და ჩვენ“. ღონისძიება მიზნად ისახავდა ახალგაზრდებში ცნობიერების ამაღლებას ევროკავშირში ინტეგრაციის საკითხებთან დაკავშირებით. შეხვედრაზე სპიკერებად მოწვეულნი იყვნენ დარგის კომპეტენტური პირები, არასამთავრობო სექტორის წარმომადგენლები, სტუდენტები და ორგანიზებას უწევდა ბსუ-ს იურიდიული და სოციალურ მეცნიერებათა ფაკულტეტის ასისტენტ პროფესორი გიგა ფარტენაძე.

ბათუმის შოთა რუსთაველის სახელმწიფო უნივერსიტეტის იურიდიულ და სოციალურ მეცნიერებათა ფაკულტეტის ასოცირებული პროფესორი გივი აბაშიძე დაინიშნა საერთაშორისო სამეცნიერო ჟურნალის „სამართალი და საზოგადოებას“ სარედაქციო კოლეგიის წევრად. უნივერსიტეტი ულოცავს ასოცირებულ პროფესორ გივი აბაშიძეს საერთაშორისო სამეცნიერო ჟურნალის სარედაქციო კოლეგიის წევრად დანიშვნას და უსურვებს წარმატებებს სამეცნიერო საქმიანობაში.