11-16 ივლისს, რუმინეთის ქალაქ ბუქარესტში, ცენტრალურ და აღმოსავლეთ ევროპის სტუდენტურ ფესტივალში მონაწილეობა მიიღეს ბსუ-ს ფრანგული ფილოლოგიის III კურსის სტუდენტმა ირინა ფუტკარაძემ და საერთაშორისო ურთიერთობების I კურსის სტუდენტმა ანა კომახიძემ. ფესტივალის მიზანი იყო ფრანგული ენისა და კულტურის პოპულარიზაცია. სტუდენტები დაესწრნენ პრესისა და პოდკასტ-აუდიო ატელიებს, სადაც შეისწავლეს საკუთარი მოსაზრების, სტატიის, ინტერვიუს სწორად ჩამოყალიბება. ასევე მონაწილეობა მიიღეს კონფერენციებში, მათ შორის ერთ-ერთს დიპლომატიის მნიშვნელობაზე, რომელიც რუმინეთის საგარეო საქმეთა მინისტრმა ჩაატარა. გარდა ამისა, ორგანიზებული იყო გასართობი აქტივობები-ცეკვის, სიმღერის, ფოტოგრაფიის და სპორტის სახელოსნოები. ერთ-ერთი ყველაზე გამორჩეული აქტივობა საქართველოს წარდგენა იყო, ქართული სამზარეულოს დაგემოვნება და ქართული კულტურის წარმოჩენა.

ბათუმის შოთა რუსთაველის სახელმწიფო უნივერსიტეტში GCSD- საქართველოს სტრატეგიის და განვითარების ცენტრმა, საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის აჭარის ბიუროსთან თანამშრომლობით, ბსუ-ს იურიდიულ და სოციალურ მეცნიერებათა ფაკულტეტის საერთაშორისო ურთიერთობების და საჯარო მმართველობის სპეციალობების სტუდენტებთან საინფორმაციო შეხვედრა გამართა. ექსპერტმა ელენე გოცაძემ ახალგაზრდებს ჩრდილოატლანტიკურ ალიანსზე, ნატო-საქართველოს ურთიერთობებზე, გეოპოლიტიკურ და უსაფრთხოების საკითხებზე მიიაწოდა ინფორმაციები. შეხვედრაზე საუბარი შეეხო აგრეთვე, მზარდი ანტიდასავლური პროპაგანდის გამოწვევებს და დეზინფორმაციული ნაკადების გააქტიურების მიზეზებს.

საქართველოში საჯარო სამართლის საერთაშორისო საზოგადოება - ICON•S საქართველო ჩამოყალიბდა. ICON•S არის საერთაშორისო საზოგადოება, რომელსაც ჰყავს წევრები მთელი მსოფლიოდან, სამართლის ყველა დარგში, ასევე ჰუმანიტარული და სოციალურ მეცნიერებებიდან, უმაღლესი განათლების ყველა საფეხურზე, სტუდენტების და ემერიტუს პროფესორების ჩათვლით. ICON•S თავისი მისიის განსახორციელებლად პროფესიული ურთიერთობების ჩამოყალიბების და იდეების საერთაშორისო დონეზე გაცვლის საუკეთესო საშუალებებს გვთავაზობს. ICON•S-ის სათავო ოფისი მდებარეობს აშშ-ში, ქალაქ ნიუ-იორკში.

8-9 ივლისს, ბათუმის შოთა რუსთაველის სახელმწიფო უნივერსიტეტისა და გრიგოლ რობაქიძის სახელობის უნივერსიტეტის ერთობლივი ორგანიზებით გაიმართა სამეცნიერო კონფერენცია თემაზე: „ასოცირებული ტრიოს ევროპული ინტეგრაციის პოლიტიკური, სამართლებრივი და მმართველობითი პროცესი“. კონფერენცია გაიმართა ონლაინ ფორმატში და მასში მონაწილეობა მიიღეს იურიდიული და სოციალურ მეცნიერებათა ფაკულტეტის საზოგადოებრივი და პოლიტიკურ მეცნიერებათა დეპარტამენტის პროფესორ-მასწავლებლებმა და საჯარო მმართველობისა და საერთაშორისო ურთიერთობების სპეციალობის სტუდენტებმა.

ბსუ-ს იურიდიული და სოციალურ მეცნიერებათა ფაკულტეტის ფსიქოლოგიის საბაკალავრო საგანმანათლებლო პროგრამის მეორე სასწავლო წლის სტუდენტმა ანრი ვანიძემ მონაწილეობა მიიღო 3-8 ივლისს, ავსტრიის ქალაქ ნეუმარკტში ევროპაბურგის ციხესიმაგრეში გამართულ ევროკავშირი-უკრაინის მშვიდობის საკითხებისადმი მიძღვნილ EYFON – „ევროპის ახალგაზრდული ფორუმის ნეუმარიკტის“ ფორუმში. ღონისძიების ფარგლებში ახალგაზრდებმა მოისმინეს ლექციები, დაესწრნენ პანელურ დისკუსიებს, ვორქშოპებსა და ჯგუფურ აქტივობებს, რომლებიც ორიენტირებული იყო კრიტიკული აზროვნების, სამომავლო იდეებისა და გუნდურობის ფორმირებაზე. EYFON-ი ახალგაზრდებს საშუალებას აძლევს, აიმაღლონ ცნობიერება და მიიღონ შესაბამისის ცოდნა და გამოცდილება.