საქართველოს ცენტრალური საარჩევნო კომისიის თავმჯდომარე გიორგი კალანდარიშვილი, უმაღლესი საარჩევნო კომისიის თავმჯდომარე პარმენ ჯალაღონია და ბათუმის საოლქო საარჩევნო კომისიის თავმჯდომარე ციალა შავაძე ბათუმის შოთა რუსთაველის სახელმწიფო უნივერსიტეტის სტუდენტებს შეხვდნენ. ცესკოს თავმჯდომარემ ახალგაზრდებს მიმდინარე საარჩევნო რეფორმები და შუალედურ არჩევნებზე ელექტრონული ტექნოლოგიების გამოყენების წესები გააცნო. გიორგი კალანდარიშვილმა ასევე ისაუბრა ქვეყნის დემოკრატიულ განვითარებაში არჩევნების მნიშვნელობაზე, დეტალური ინფორმაცია წარმოადგინა 2 აპრილს დაგეგმილი შუალედური არჩევნების შესახებ და შეაჯამა მისი თავმჯდომარედ არჩევის შემდეგ განხორციელებული სიახლეები.

რეჯიო კალაბრიოს უნივერსიტეტთან გაფორმებული მემორანდუმის ფარგლებში, ბათუმის შოთა რუსთაველის სახელმწიფო უნივერსიტეტში სამეცნიერო დისკუსია გაიმართა თემაზე: „ხელოვნური ინტელექტის თანამედროვე გამოწვევები“. ღონისძიებაში მონაწილეობა მიიღეს ბსუ-ს იურიდიული და სოციალურ მეცნიერებათა ფაკულტეტისა და იტალიის რეჯიო კალაბრიოს უნივერსიტეტის პროფესორ-მასწავლებლებმა და სტუდენტებმა. ასოცირებულმა პროფესორმა ანგელო ვიგლიანისი ფერარომ ისაუბრა სამომავლო ურთიერთობების პერსპექტივებსა და შესაძლებლობებზე, კერძოდ, ერთობლივი სასწავლო პროგრამების შემუშავებაზე, საზაფხულო სკოლების ორგანიზებასა და სამეცნიერო კონფერენციების ჩატარებაზე.

ბათუმის შოთა რუსთაველის სახელმწიფო უნივერსიტეტში ყოველწლიური ჟან მონეს სტუდენტური კონფერენცია: „დემოკრატია, კანონის უზენაესობა და ადამიანის უფლებების დაცვა ევროკავშირში“ გაიმართა. კონფერენციაზე იურიდიული და სოციალურ მეცნიერებათა ფაკულტეტის ჟან მონეს სასწავლო პროგრამის კურსდამთავრებულმა სტუდენტებმა წარმოადგინეს მოხსენებები ევროპის კავშირის ძირითადი ღირებულებების, ევროპული ინტეგრაციის, ევროკავშირში დემოკრატიის, კორუფციასთან ბრძოლის მექანიზმების, კარგი მმართველობის, კონფლიქტების პრევენციის, აღმოსავლეთ პარტნიორობის, ეროვნული და კულტურული იდენტობის, აზრის, სინდისისა და რელიგიის თავისუფლების და სხვა აქტუალურ საკითხებზე.

ბათუმის შოთა რუსთაველის სახელმწიფო უნივერსიტეტში სტუდენტური პროექტის „სმარტფონების ფესტივალი“ ფარგლებში ჩატარებული კონკურსის „აღმოაჩინე შენი ქალაქი“ წარდგენა გაიმართა. პროექტს „სმარტფონების ფესტივალი“ ბსუ-ს იურიდიული და სოციალური მეცნიერების სამართალმცოდნეობის საგანმანათლებლო პროგრამის I და II კურსის სტუდენტების საინიციატივო ჯგუფი საგანმანათლებლო პროგრამის „დემოკრატია და მოქალაქეობა“ ფარგლებში ახორციელებს. პროექტი ითვალისწინებს, ახალგაზრდებში ბათუმის კულტურული ცხოვრების, ისტორიის პოპულარიზაციასა და ცნობიერების ამაღლებას.

23-25 იანვარს უკრაინაში, ქალაქ კიევში ევროკავშირის მიერ დაფინანსებული პროექტის “MEDIATS”-ის ფარგლებში გამართულ მედიაციის საერთაშორისო სემინარში მონაწილეობა მიიღეს მოხსენებები წარადგინა პროექტ „MEDIATS”-ის პერსონალმა: იურიდიულ და სოციალურ მეცნიერებათა ფაკულტეტის წევრებმა და პროექტის ადმინისტრაციამ. სემინარის მონაწილეები გაეცნენ პროექტის მიმდინარე შედეგებს, მედიაციის სფეროს სიახლეებსა და ძირითად გამოწვევებს.