ბსუ-ს იურიდიული და სოციალურ მეცნიერებათა ფაკულტეტის პროფესორ-მასწავლებელთა მონაწილეობით, ადამიანის უფლებათა და ანტიდისკრიმინაციული სამართლის სწავლების საკითხებზე დისკუსია გაიმართა. შეხვედრა ფაკულტეტზე პროექტის ფარგლებში შედგა, რომელსაც უძღვებოდნენ: პროექტის კოორდინატორი, ბსუ-ს ასოცირებული პროფესორი მალხაზ ნაკაშიძე, ბსუ-ს იურიდიული და სოციალურ მეცნიერებათა ფაკულტეტის დეკანი ლევან ჯაყელი, საბაუნის რექტორი ვაჟა ვარდიძე, საბაუნის რექტორის მოადგილე დიმიტრი გეგენავა და საბაუნის სამართლის ფაკულტეტის დეკანი გიორგი გორაძე.

ევროკომისიის გადაწყვეტილებით, ბათუმის შოთა რუსთაველის სახელმწიფო უნივერსიტეტი Jean Monnet პროგრამის გამარჯვებულია ბსუ-ს პროექტი „ევროპის კავშირის ძირითადი ღირებულებები: დემოკრატია, კანონის უზენაესობა და ადამიანის უფლებების დაცვა", რომელიც წარადგინა მალხაზ ნაკაშიძემ. საერთაშორისო კონკურსის საფუძველზე, ბსუ-ს იურიდიული და სოციალურ მეცნიერებათა ფაკულტეტის ასოცირებული პროფესორი მალხაზ ნაკაშიძე Jean Monnet-ის პროფესორი გახდა და მიენიჭა Jean Monnet-ის კათედრის ხელმძღვანელის სტატუსი 3 წლის ვადით.

ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და საქართველოს მედიატორთა ასოციაციის თავმჯდომარემ ირაკლი ყანდაშვილმა თანამშრომლობის მემორანდუმს მოაწერეს ხელი. მემორანდუმის მიზანია მხარეთა საერთო ინტერესების სფეროში შემავალ აქტუალურ საკითხებზე თანამშრომლობა, მედიაციის ინსტიტუტის განვითარებისა და პოპულარიზაციის მიზნით, ერთობლივი ღონისძიებების, პროექტებისა და ინიციატივების განხორციელება. თანამშრომლობის ფორმატში სამომავლოდ დაიგეგმა, აჭარის რეგიონში ბსუ-ს მედიაციის ძირითად ცენტრად ფორმირება.

16-17 ივლისს, ბსუ-ს იურიდიული და სოციალურ მეცნიერებათა ფაკულტეტზე ჩატარდა საჯარო შეხვედრა ბათუმის შოთა რუსთაველის სახელმწიფო უნივერსიტეტის, ქუთაისის სახელმწიფო უნივერსიტეტის და სამცხე-ჯავახეთის უნივერსიტეტის სამართლის საგანმანათლებლო პროგრამების წარმომადგენლებთან. საჯარო შეხვედრა გაიმართა თემაზე: "სამართლის პრაქტიკული უნარების განვითარება რეგიონულ უნივერსიტეტებში". შეხვედრაზე ასევე განიხილეს რეგიონული იმიტირებული სასამართლო პროცესების შეჯიბრის წესები ადამიანის უფლებათა სამართალში.

ბსუ-ს 3-7 ივლისს, „ერაზმუს+“-ის ადმინისტრაციული პერსონალის გაცვლითი პროგრამის ფარგლებში ბიალისტოკის უნივერსიტეტის რექტორის მოადგილე, პროფესორი იაროსლავ მატვიეიუკი, რექტორის აპარატის უფროსი, პროფესორი აგნიეშკა ბუიაკოვსკა და ბუნების ცენტრის დირექტორი, დოქტორი ანა მატვიეიუკი ეწვივნენ. ვიზიტის ფარგლებში, დელეგაციის წევრები შეხვდნენ რექტორის მოადგილეს, პროფესორ თამარ სირაძესა და ბსუ-ს სტრატეგიული განვითარებისა და საგარეო ურთიერთობათა დეპარტამენტის წარმომადგენლებს, ეკონომიკისა და ბიზნესის ფაკულტეტის დეკანს, პროფესორ ნათელა წიკლაშვილს, საბუნებისმეტყველო მეცნიერებათა და ჯანდაცვის ფაკულტეტის დეკანს, პროფესორ რუსუდან ხუხუნაიშვილს და იურიდიული და სოციალურ მეცნიერებათა ფაკულტეტის დეკანს, პროფესორ ლევან ჯაყელსა და ფაკულტეტის პროფესორ- მასწავლებლებს. შეხვედრაზე მხარეებმა ერთობლივი საგანმანათლებლო პროექტების, საერთაშორისო პროგრამების განხორციელებასა და სამომავლო თანამშრომლობის გეგმებზე ისაუბრეს.