ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის ასოცირებული პროფესორი, სამართლის მეცნიერთა კავშირის და საქართველოს იურიდიულ მეცნიერებათა აკადემიის ნამდვილი წევრი გივი აბაშიძე საქართველოს კრიმინოლოგიურ მეცნიერებათა აკადემიამ ნამდვილ წევრად აირჩია. ფაკულტეტი ულოცავს ასოცირებულ პროფესორ გივი აბაშიძეს საპატიო წოდების მინიჭებას და უსურვებს წარმატებებს სამეცნიერო საქმიანობაში.

ძვირფასო სტუდენტებო, კოლეგებო, მეგობრებო და ბსუ-ს გულშემატკივრებო, მალე დაგვემშვიდობება განვლილი 2019 წელი და შევეგებებით სიახლით, იმედებით სავსე ახალ 2020 წელს. ყოველი ჩვენგანი ემოციებით, სიამაყით და ზოგჯერ სინანულით ემშვიდობება 2019 წელს. ბევრმა შეძლო საკუთარი თავის რეალიზება, ჩანაფიქრის ასრულება, ზოგმა უარყოფითი განცდები და გამოწვევები იწვნია. საბოლოოდ უნდა ითქვას, რომ განვლილი წელი ჩვენს ცხოვრებაში საინტერესო რაკურსით მიმდინარეობდა.

ბსუ-ს იურიდიულ და სოციალურ მეცნიერებათა ფაკულტეტის წევრებმა მონაწილეობა მიიღეს ქალაქ რიგაში, ტურიბას უნივერსიტეტში გამართულ ტრენინგ-კურსში: „მედიაცია: ტრენინგი და საზოგადოების ტრანსფორმაცია“. სასწავლო კურსი ითვალისწინებდა ევროკავშირის მიერ დაფინანსებული პროექტის MEDIATS-ს ფარგლებში ფაკულტეტის პროფესორ-მასწავლებელთა გადამზადებას. პროექტი საშუალებას აძლევს აზერბაიჯანის, საქართველოსა და უკრაინის უნივერსიტეტებს, გახდნენ ერთ-ერთი უმნიშვნელოვანესი მოთამაშეები საკუთარი ქვეყნების მედიაციის პროცესში. პროექტის გუნდი გაეცნობა ევროპულ პრაქტიკას, კვალიფიკაციას აუმაღლებს პერსონალს, შეარჩევს სტუდენტებს და ასევე შეიმუშავებს მედიაციის საგანმანათლებლო პროგრამას.

ბათუმის შოთა რუსთაველის სახელმწიფო უნივერსიტეტის იურიდიული და სამართალმცოდნეობის სამართლის დეპარტამენტის პროფესორ-მასწავლებლებმა სამართალმცოდნეობის სპეციალობის კურსდამთავრებულთა დამსაქმებლებთან შეხვედრა გამართეს. შეხვედრის მონაწილეებმა განიხილეს სამართლის საბაკალავრო და სამაგისტრო პროგრამები, რომელთა განახლებაზე ინტენსიური მუშაობა მიმდინარეობს მომდევნო აკრედიტაციაზე წარსადგენად. შეხვედრაზე გამოითქვა სხვადასხვა მოსაზრება და წინადადება საგანმანათლებლო პროგრამების დახვეწის მიზნით.

ბათუმის შოთა რუსთაველის სახელმწიფო უნივერსიტეტის იურიდიული და სამართალმცოდნეობის ფაკულტეტის სამართლის დეპარტამენტის ორგანიზებით შეხვედრა გაიმართა სამართალმცოდნეობის საგანმანათლებლო პროგრამის კურსდამთავრებულთა დამსაქმებლებთან. შეხვედრის მონაწილეებმა განიხილეს სამართლის საბაკალავრო და სამაგისტრო პროგრამები. სამართლის დეპარტამენტი აღნიშნული ინტენსიურად მუშაობს პროგრამების გასაახლებლად და პროგრამული აკრედიტაცის გასავლელად. შეხვედრაზე გამოითქვა სხვადასხვა მოსაზრება და წინადადება პროგრამების დახვეწის მიზნით.