სოციალურ მეცნიერებათა ცენტრის პროექტის „საქართველოს ახალგაზრდა ქალები ნატო-სთვის” ფარგლებში გიორგი ხელაშვილმა შეხვედრა გამართა ბსუ-ს იურიდიული და სოციალური მეცნიერებათა ფაკულტეტის სტუდენტებთან. პროექტის მიზანია საქართველოს ცენტრალური და რეგიონული უნივერსიტეტების სტუდენტების დაახლოება, საქართველოს ახალგაზრდა ქალების ჩართულობის გაძლიერება ნატო-ს როლის შესახებ საერთაშორისო მშვიდობისა და უსაფრთხოების საკითხებში წარმოებულ დისკუსიებში.
ბათუმის შოთა რუსთაველის სახელმწიფო უნივერსიტეტში საქართველოს პარლამენტის, საქართველოს შინაგან საქმეთა სამინისტროს და სახალხო დამცველის აპარატის წარმომადგენლებმა სტუდენტებთან საინფორმაციო შეხვედრა გამართეს სექსუალური შევიწროებისა და დისკრიმინაციის საკითხებზე. საქართველოს პარლამენტის წევრმა ნინო წილოსანმა მომავალ სამართალდამცავებს განხორციელებული საკანონმდებლო ცვლილებები, სექსუალური შევიწროების დეფინიციის გაჩენა საკანონმდებლო დონეზე და მანამდე არსებული მდგომარეობა გააცნო.
ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის ასოცირებული პროფესორი მალხაზ ნაკაშიძე ხარკოვის ეროვნული იურიდიული უნივერსიტეტისა და კონრად ადენაუერის ფონდის მიწვევით იმყოფებოდა უკრაინაში. მალხაზ ნაკაშიძემ მონაწილეობა მიიღო III საერთაშორისო იურიდიული ფორუმის მუშაობაში და როგორც მთავარმა მომხსენებელმა წარადგინა მოხსენება თემაზე: „საკონსტიტუციო ცვლილებები და საპარლამენტო მმართველობა საქართველოში ევროპული ინტეგრაციის კონტექსტში“. ფორუმის მუშაობაში ჩართული იყვნენ უკრაინის ხელისუფლების, არასამთავრობო ორგანიზაციების წარმომადგენლები, ექსპერტები, უნივერსიტეტების წარმომადგენლები მსოფლიოს სხვადასხვა ქვეყნიდან.
უმაღლესი საბჭოს დეპუტატი გიორგი მანველიძე და ბათუმის მუნიციპალიტეტის საკრებულოს წევრი ბესო გოგოტიშვილი იურიდიული და სოციალურ მეცნიერებათა ფაკულტეტის სამართალმცოდნეობის საბაკალავრო საგანმანათლებლო პროგრამის სტუდენტებს შეხვდნენ. საკანონმდებლო ორგანოების წევრებმა ახალგაზრდებს ბსუ-ს რექტორთან ბატონ მერაბ ხალვაშთან და სამართლის დეპარტამენტის პროფესორ-მასწავლებლებთან ერთად მიულოცეს 2019-2020 სასწავლო წლის დაწყება, საქართველოს კონსტიტუციასა და მასში განხორციელებული ცვლილებების მნიშვნელობაზე ისაუბრეს. სტუმრებმა შეხვედრის მონაწილეებს საჩუქრად გადასცეს ირაკლი კობახიძის ავტორობით გამოცემული უახლესი სახელმძღვანელო „კონსტიტუციური სამართალი“.
ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის დეკანი ლევან ჯაყელი და პროფესორ-მასწავლებლები პირველკურსელებს შეხვდნენ, სტუდენტობა მიულოცეს და წარმატებები უსურვეს. სტუდენტები შეხვედრაზე უმაღლესი საგანმანათლებლო დაწესებულების ძირითად მარეგულირებელ აქტებს, საგანმანათლებლო პროგრამების განხორციელებისა და სტუდენტთა აკადემიური შეფასების წესებს, ელექტრონული სერვისებსა და პროექტებს გაეცნენ.
