ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და გერმანული არასამთავრობო ორგანიზაციის „ბერგჰოფის ფონდი“ კავკასიის პროგრამის დირექტორმა ოლივერ ვოლესმა თანამშრომლობის მემორანდუმს მოაწერეს ხელი. მემორანდუმის მიზანია მხარეებმა ითანამშრომლონ საქართველოში არსებული ეთნო-პოლიტიკური კონფლიქტების თემატიკით დაინტერესებული სტუდენტების ცოდნის, კრიტიკული აზროვნების ამაღლებაზე. შეუქმნან მათ შესაბამისი სასწავლო-სადისკუსიო სივრცე, რომელიც დაეხმარებათ მათ ისწავლონ და განავითარონ თავიანთი ცოდნა და უნარ-ჩვევები აღნიშნულ საკითხებში, ხელი შეუწყონ საგანმანათლებლო პროგრამების შესაბამისი სასწავლო კურსების განვითარებას და პროგრამების შემუშავებას.

22 იანვარს, ნიუ ვიჟენ უნივერსიტეტის იურიდიული ეთიკის მიმართლებამ, ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტთან ერთად გამართა მრგვალი მაგიდა თემაზე - „კონფიდენციალობა და პრივილეგია.“ დისკუსიას, მრგვალი მაგიდის ფორმატს, გაუძღვა ნიუ ვიჟენ უნივერსიტეტის იურიდიული ეთიკის მიმართულების თანახელმძღვანელი, საქართველოს ადვოკატთა ასოციაციის ეთიკის კომისიის წევრი - ანა ლორია.

ქალაქ მურსიაში 13-17 იანვარს, მურსიას კათოლიკურ უნივერსიტეტში (ესპანეთი) გაიმართა მედიაციის ტრენინგ-კურსის მეორე ნაწილი. სწავლება ითვალისწინებდა პროექტ MEDIATS-ის პარტნიორ უნივერსიტეტებში პროფესორ-მასწავლებელთა გადამზადებას მედიაციის სფეროში. პროექტში მონაწილეობა მიიღო ბსუ-სიურიდიული და სოციალურ მეცნიერებათა ფაკულტეტის აკადემიურმა პესონალმა. ფაკულტეტის დეკანს, ასოცირებულ პროფესორ ლევან ჯაყელს მიენიჭა მედიატორის საერთაშორისო ლიცენზია. ღონისძიების ფარგლებში შედგა სასწავლო ვიზიტი. პროექტი „მედიაცია: ტრენინგი და საზოგადოები სტრასფორმაცია“ ხორციელდება Erasmus+ CBHE-ის ფარგლებში.

საქართველოს პარლამენტის დისტანციური სტაჟირების პროგრამის წარდგენა გაიმართა ბათუმის შოთა რუსთაველის სახელმწიფო უნივერსიტეტში. პარლამენტის აპარატის უფროსმა გივი მიქანაძემ სტუდენტებს დისტანციური სტაჟირების საპილოტე პროგრამა წარუდგინა და მასში მონაწილეობის წესები გააცნო. დისტანციური სტაჟირების უპრეცენდენტო მოდელი ექვსთვიანია და მასში მონაწილეობა სხვადასხვა ფაკულტეტის დამამთავრებელი კურსის სტუდენტებთან ერთად უნივერსიტეტის კურსდამთავრებულებს შეეძლებათ. პირველ ეტაპზე კონკურსი ადამიანის რესურსების მართვისა და საერთაშორისო ურთიერთობების მიმართულებებში გამოცხადდა. მონაწილეთა განცხადებების მიღება ათ თებერვალს დასრულდება.

კამპანიის „ცხოვრება მშვენიერია“ ფარგლებში ბსუ-ს იურიდიული და სოციალურ მეცნიერებათა ფაკულტეტის სტუდენტების ორგანიზებით გამწვანების აქცია გაიმართა. კამპანია მიზნად ისახავდა ახალგაზრდებში ცხოვრების მიმართ პოზიტიური დამოკიდებულების დამკვიდრებას და დადებითი აქტივობების წახალისებას. კამპანიის ფარგლებში ბათუმის ცენტრალურ პარკს 25 ძირი ცაცხვის და მაგნოლია გრანდიფლორას ხე შეემატა. აქცია ბათუმის შოთა რუსთაველის სახელმწიფო უნივერსიტეტის სტუდენტების ორგანიზებითა და ბათუმის ლანდშაფტური დაგეგმარებისა და გამწვანების სამსახურის მხარდაჭერით გაიმართა.