8-9 ივნისს ფილოლოგიის მეცნიერებათა დოქტორმა, რიტორიკის სკოლის დირექტორმა ცირა ბარბაქაძემ ბსუ-ს ჰუმანიტარულ მეცნიერებათა ფაკულტეტის სტუდენტებისა და პროფესორ-მასწავლებლებისათვის ტრენინგი - მულტისემიოტიკური პრეზენტაციის უნარები - ჩაატარა. სწავლება მიზნად ისახავდა მულტისემიოტიკური პრეზენტაციის უნარები განვითარებას, რაც გულისხმობს მოხსენების, სადოქტორო ნაშრომის, სტატიის, ეფექტურად, თანამედროვე ტექნოლოგიების გათვალისწინებით წარდგენას.
ბათუმი შოთა რუსთაველის სახელმწიფო უნივერსიტეტში საერთაშორისო სამეცნიერო კონფერენცია „საქართველო და კათოლიკური სამყარო - ისტორიული და კულტურული ასპექტები“ ჩატარდა. კონფერენცია მიზნად ისახავდა, კათოლიკურ სამყაროსთან საქართველოს ურთიერთობების ისტორიის კვლევის შედეგების შეჯამებას. ქართველმა და უცხოელმა მკვლევარებმა კონფერენციის ისტორიისა და კულტურული მემკვიდრეობის სექციების მიმართულებებით სამეცნიერო მოხსენებები წარადგინეს საქართველოს კათოლიკურ ეკლესიასა და კათოლიკეთა მოღვაწეობაზე ისტორიული და კულტურული ასპექტების გათვალისწინებით.
27 მაისსა და 5 ივნისს ჰუმანიტარულ მეცნიერებათა ფაკულტეტის ორგანიზებით შეხვედრა გაიმართა. ფაკულტეტის ადმინისტრაციის წევრები სამაგისტრო-საგანმანათლებლო პროგრამების მეორე კურსის სტუდენტებს შეხვდნენ. მაგისტრანტებს ხარისხის უზრუნველყოფის სამსახურის უფროსმა, ასოცირებულმა პროფესორმა ჟუკა გუმბარიძემ სტუდენტებსა და პროფესორ-მასწავლებლებს გააცნო სამაგისტრო ნაშრომების Moodle-ის ელექტრონულ სისტემაში პლაგიატის გამოვლენის პროგრამის Turnitin-ის გამოყენებით ნაშრომის ატვირთვის, შემოწმების ვადები და პროცედურები.
ნორვეგიის ტელემარკის უნივერსიტეტის პროფესორმა დევიდ ისაკსენმა მეთოდოლოგიური სემინარი ჩაატარა თემაზე: „საქმიანი კომუნიკაცია ინგლისურ ენაზე“. სემინარს ესწრებოდნენ ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ევროპეისტიკის დეპარტამენტისა და ბათუმის სახელმწიფო საზღვაო აკადემიის უცხო ენათა აკადემიური დეპარტამენტის პროფესორ-მასწავლებლები. დევიდ ისაკსენმა მსმენელებს გააცნო სასწავლო კურსის „საქმიანი კომუნიკაცია ინგლისურ ენაზე“ შინაარსი, მისი სტრუქტურა, სასწავლო პროცესში გამოყენებული უახლესი ლიტერატურა და სწავლების მეთოდები პრაქტიკული აქტივობების დემონსტრირების გზით. მეთოდოლოგიური სემინარის მსმენელებს გადაეცათ სერტიფიკატები.
მონოგრაფიის - „აფხაზები აჭარაში - წარსული და თანამედროვეობა“ წარდგენა გაიმართა ბათუმში შოთა რუსთაველის სახელმწიფო უნივერსიტეტში. წიგნი მომზადებულია შოთა რუსთაველის ეროვნული სამეცნიერო ფონდის საგრანტო სამეცნიერო პროექტის „აფხაზები აჭარაში“. ნაშრომში აღწერილია აჭარაში მცხოვრებ აფხაზთა ოჯახებში კომპლექსური საველე ექსპედიციების შედეგად შეკრებილ მასალებზე, საარქივო წყაროებსა და მემუარულ ლიტერატურაზე დაყრდნობით, კომპლექსურადაა შესწავლილი აჭარაში მცხოვრებ აფხაზთა გადმოსახლების, დამკვიდრებისა და ცხოვრების ისტორია.
