ფიზიკა-მათემატიკისა და კომპიუტერულ მეცნიერებათა ფაკულტეტის ორგანიზებით ბათუმის შოთა რუსთაველის სახელმწიფო უნივერსიტეტში საიუბილეო შეხვედრა გაიმართა. ღონისძიებაზე ღვაწლმოსილ კოლეგებს იუბილე მიულოცეს, წარმატებები უსურვეს ფაკულტეტის პროფესორ-მასწავლებლებმა და სტუდენტებმა და ფიზიკა-მათემატიკისა და კომპიუტერულ მეცნიერებათა ფაკულტეტის დეკანმა, ასოცირებულმა პროფესორმა გულადი ფარტენაძემ სამახსოვრო საჩუქრები გადასცა. 2015 წელს პროფესორ ჟუჟუნა დიასამიძეს 70 წელი შეუსრულდა, ასოცირებულ პროფესორ თენგიზ ხინიკაძეს - 65 წელი, ასოცირებულ პროფესორ ციცინო სარაჯიშვილს - 60 წელი, პროფესორ ომარ ნაკაშიძეს - 60 წელი, ფაკულტეტის მოწვეულ პედაგოგებს ზურაბ შაშიკაძეს 65 წელი და ხესპი ღომიძეს - 70 წელი.

ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტის სტუდენტებმა და პროფესორ-მასწავლებლემბა ცენტერაძეების 13-სულიანი ოჯახი მოინახულეს. ახალგაზრდებმა სოციალურად დაუცველი ოჯახის წევრებს შობა-ახალი წელი მიულოცეს, წარმატებები უსურვეს და თბილი ტანსაცმელი, საკვები პროდუქტები, სხვადასხვა სახის საყოფაცხოვრებო ნივთები, ტკბილეული, სათამაშოები გადასცეს.

ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტის სამ სტუდენტს სახელობითი სტიპენდია დაენიშნა. მათემატიკის სპეციალობის III კურსის სტუდენტი მარიკა ბერიძე აკადემიკოს დურსუნ ბალაძის სახელობით საფაკულტეტო სტიპენდიას მიიღებს, ფიზიკის სპეციალობის IV კურსის სტუდენტი მაია ბოლქვაძე ხუსეინ ხალვაშის სახელობითი საფაკულტეტო სტიპენდიას, ხოლო ბიზნეს ინფორმატიკის სამაგისტრო საგანმანათლებლო პროგრამის II კურსის სტუდენტი ელზა ჯინჭარაძე - ხუსეინ ნაკაიძის საუნივერსიტეტო სახელობით სტიპენდიას. ფაკულტეტის სტუდენტები, პროფესორ-მასწავლებლები და ადმინისტრაცია სტუდენტებს ულოცავენ წარმატებას.

ცნობილმა გერმანულმა გამომცემლობა “Springe-მა” ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტის პროფესორ ვლადიმერ ბალაძეს მიუძღვნა ჟურნალის ტომი - „Journal of Mathematical Sciences”, Volume 211, 2015.
ჟურნალში ფიზიკა-მათემატიკის მეცნიერებათა დოქტორის შესახებ დაბეჭდილია სტატია - Professor Vladimir (Lado) Baladze — on His 60th .
(http://link.springer.com/article/10.1007%2Fs10958-015-2597-9). სტატიაში მოცემულია მკვლევარის ბიოგრაფია, მეცნიერული წარმატებები და მის მიერ შექმნილი ბათუმის გეომეტრიული ტოპოლოგიის სკოლის მიღწევები.

ინდივიდუალური სამოგზაურო გრანტების ფარგლებში ფიზიკა-მათემატიკისა და კომპიუტერულ მეცნიერებათა ფაკულტეტის პროფესორმა ნუგზარ ღომიძემ მონაწილეობა მიიღო საერთაშორისო სამეცნიერო კონფერენციაში „ელექტრომაგნეტიზმის მოწინავე გამოყენება (ICEAA)“. ხუთდღიანი სამეცნიერო კონფერენცი იტალიის ქალაქ ტურინში გაიმართა და მასში მსოფლიოს სხვადასხვა ქვეყნის 348 მომხსენებელის ნაშრომი იყო წარდგენილი. პროფესორმა ნუგზარ ღომიძემ ელექტრომაგნიტური თეორიის სექციაში წაიკითხა მოხსენება თემაზე: „დაჯახებად იონოსფერულ ტრასაზე რადიო იმპულსის სივრცე–სიხშირული ევოლუცია“. კონფერენცია ICEAA - IEEE-APWC -ის ორგანიზებით ტურინის პოლიტექნიკური უნივერსიტეტის ელექტრონიკის დეპარტამენტის ბაზაზე ჩატარდა.