ფიზიკა-მათემატიკისა და კომპიუტერულ მეცნიერებათა ფაკულტეტის ფიზიკის დოქტორანტმა მირანდა ხაჯიშვილმა (მეცნიერ-ხელმძღვანელი: პროფესორი ნუგზარ ღომიძე) შოთა რუსთაველის ეროვნული სამეცნიერო ფონდის მოკლევადიანი ინდივიდუალური სამოგზაურო სახელმწიფო სამეცნიერო გრანტის ფარგლებში მონაწილეობა მიიღო ქალაქ ანტალიაში გამართულ საერთაშორისო სამეცნიერო კონფერენციაში „III ევროპული კონფერენცია განახლებადი ენეგო სისტემების შესახებ”. ახალგაზრდა მკვლევარმა ხუთდღიან სესიაზე მოხსენება წარადგინა თემაზე: „შორეულ ზონაში წრფივი მრავალელემენტიანი ანტენური სისტემის გამოსხივების მიმართულების დიაგრამის შესახებ (About Diagram of Direction of Linear Multielement Antena SysytemRadiated in the Far Zone”. მომხსენებელი დაჯილდოვდა სპეციალური სერტიფიკატით და მისი ნაშრომი დაიბეჭდება მაღალრეიტინგულ (იმფაქტფაქტორიან) საერთაშორისო ჟურნალში.

ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტის კომპიუტერულ მეცნიერებათა დეპარტამენტის ორგანიზებით, ხარკოვის რადიოელექტრონიკის ნაციონალურ და ტალინის ტექნოლოგიურ უნივერსიტეტებთან თანამშრომლობის ფარგლებში, ტარდება მე-13 საერთაშორისო სიმპოზიუმი „აღმოსავლეთი და დასავლეთი - კომპიუტერული სისტემების პროექტირება და ტესტირება“ (IEEE EAST-WEST DESIGN & TEST SYMPOSIUM (EWDTS 2015)).

მიმდინარე წლის 9-18 სექტემბერს ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტის კომპიუტერულ მეცნიერებათა დეპარტამენტში ჩატარდა მეორე საერთაშორისო კონფერენცია და სკოლა-სემინარი „ლის ჯგუფები, დიფერენციალური განტოლებები და გეომეტრია“. სამეცნიერო სესიაში საქართველოს სხვადასხვა უმაღლესი სასწავლებლის მეცნიერებთან ერთად მონაწილეობას ღებულობდნენ იტალიელი, ჩეხი და უნგრელი მკვლევრები. საინტერესო მოხსენებების პარალელურად, გაიმართა დისკუსიები სწავლების აქტუალურ საკითხებზე, მომავალი სპეციალისტების მომზადების პერსპექტივებსა და ამოცანებზე.

საქართველოს მათემატიკოსთა კავშირის საერთაშორისო კონფერენციის ფარგლებში ტემპუსის პროექტ MathGear-ის პრეზენტაცია გაიმართა. ღონისძიებას პროექტის მონაწილეებთან ერთად, საქართველოს მათემატიკოსთა კავშირის პრეზიდენტი პროფ. როლანდ დუდუჩავა, პროფ. ომარ ძაგნიძე, პროფ. ომარ ფურთუხია, პროფ. ვახტანგ კვარაცხელია, პროფ. კონსტანტინე ფხაკაძე, პროფ. გურამ გოგიშვილი, პროფ. ონისე სურმანიძე ესწრებოდნენ. პროექტის მონაწილეებმა: პროფ. ვ. ბალაძემ, დ. მახარაძემ, ა. ბერიძემ, ლ. თურმანიძემ პროექტის მიზნებზე და ამოცანებზე ისაუბრეს. ასევე იმსჯელეს სწავლების თანამედროვე ტექნოლოგიების შესაბამისად საინჟინრო და საბუნებისმეტყველო სპეციალობებზე მათემატიკის კურსების სილაბუსების და სწავლების მეთოდების მოდერნიზაციაზე. წარდგინების მონაწილეები გაეცნენ მოდერნიზებულ სილაბუსებს, რომლებიც მათემატიკის კლასიკურ დარგებთან ერთად, მოიცავს დისკრეტული მათემატიკის საფუძვლებს.

საქართველოს მათემატიკოსთა კავშირის VI საერთაშორისო კონფერენცია გაიხსნა ბათუმის შოთა რუსთაველის სახელმწიფო უნივერსიტეტში. ხუთი დღის განმავლობაში 100-მდე ქართველი და უცხოელი პროფესორ-მასწავლებელი მოხსენებებს წარმოადგენს თანამედროვე მათემატიკის აქტუალურ საკითხებსა და ბოლო პერიოდში წარმოებული სამეცნიერო კვლევის შედეგებზე. სესია თერთმეტ სექციად იმუშავებს და შემდეგ მიმართულებებს მოიცავს: ალგებრა, ტოპოლოგია, გეომეტრია და რიცხვთა თეორია, გამოყენებითი ლოგიკა და პროგრამირება, დიფერენციალური განტოლებები და მათი გამოყენებები, ბუნებრივი ენების ლოგიკა და გამოთვლითი ლინგვისტიკა, მათემატიკური განათლება და ისტორია, მათემატიკური მოდელირება