ბათუმის შოთა რუსთაველის სახელმწიფო უნივერსიტეტი ბსუ- ს აკადემიური პერსონალისთვის აცხადებს „ერაზმუს+“-ის გაცვლითი პროგრამის კონკურსს 2022-2023 სასწავლო წლის გაზაფხულის სემესტრისთვის შჩეცინის (პოლონეთი) უნივერსიტეტში. (https://en.usz.edu.pl/).

გაეროს განვითარების პროგრამა (UNDP) პარტნიორთა ფართო სპექტრთან ერთად აცხადებს პროგრამას „ქალი ინოვატორები გენდერული თანასწორობის გასაუმჯობესებლად ევროპისა და ცენტრალური აზიის 18 ქვეყანაში“. შერჩეული კანდიდატები მონაწილეობას მიიღებენ 16-კვირიან მსოფლიო დონის პროგრამაში, რომელიც გაიმართება ონლაინ ფორმატში 2022 წლის აპრილ-ივლისში. აპლიკაციის მიღების ბოლო ვადაა 15 მარტი.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ასისტენტ პროფესორი ნინო დევაძე 2022 წლის 13-19 თებერვალს იმყოფებოდა ვალენსიის ტექნოლოგიურ უნივერსიტეტში (UPV), ესპანეთის „ერაზმუს+“-ის აკადემიური პერსონალის გაცვლითი პროგრამის ფარგლებში. ნინო დევაძემ ერთი კვირის განმავლობაში სემინარები ჩაატარა ტურიზმის მდგრადი განვითარების აქტუალურ საკითხებზე ტურიზმის ბაკალავრიატის საგანმანათლებლო პროგრამის სტუდენტებისთვის.

ცხადდება კონკურსი ბათუმის შოთა რუსთაველის სახელმწიფო უნივერსიტეტის აკადემიური პერსონალისთვის 2022-2023 სასწავლო წლის შემოდგომის სემესტრისთვის ბიალისტოკის უნივერსიტეტში (პოლონეთი). მობილობის ხანგრძლივობა შეადგენს 5 სამუშაო დღეს.

კარნეგი-მელონის უნივერსიტეტი სთავაზობს დაინტერესებულ პირებს სტიპენდიებს. უნივერისტეტი ახორციელებს უნივერსიტეტი როგორც საბაკალავრო, ასევე სამაგისტრო პროგრამებს. აპლიკაციები მიიღება 2022 წლის 8 აპრილამდე.

საქართველოს იუნესკოს საქმეთა ეროვნული კომისია იწვევს მსურველებს წარადგინონ საპროექტო განაცხადები იუნესკოს 2022-2023 წლების „მონაწილეობის პროგრამის” ფარგლებში დაფინანსების მოსაპოვებლად. „მონაწილეობის პროგრამა” არის იუნესკოს მხრიდან წევრი სახელმწიფოების მხარდაჭერის ერთ-ერთი საშუალება, რომლის მეშვეობითაც წევრ სახელმწიფოებს შეუძლიათ განახორციელონ პროექტები, ორგანიზაციის მიერ დასახული პრიორიტეტების/სტრატეგიული მიზნების შესაბამისად (დამხმარე დოკუმენტი - 41 C/5 მისამართი: https://unesdoc.unesco.org/ark:/48223/pf0000375756 გვ.97-იდან).

გამოცხადდა კონკურსი ეჟენ იონესკოს პროგრამის ფარგლებში დაფინანსებული სტიპენდიების მოსაპოვებლად. მობილობა ხორციელდება ფრანკოფონიის საუნივერსიტეტო სააგენტოს (AUF) წევრობის ფარგლებში. სასტიპენდიო პროგრამაზე განაცხადის წარდგენა შეუძლიათ დოქტორანტებსა და მკვლევარ მასწავლებლებს, რომლებსაც სურთ კვლევითი სამუშაოს ჩატარება ფრანგული ენის მიმართულებით რუმინეთის უმაღლეს საგანმანათლებლო დაწესებულებებში.

გამოცხადდა ლატვიის სახელმწიფო სტიპენდიები 2022-2023 სასწავლო წლისთვის საქართველოს მოქალაქე სტუდენტებისა და აკადემიური პერსონალისთვის. სტიპენდიის მოსაპოვებლად აპლიკანტმა სააპლიკაციო განაცხადი უნდა გააგზავნოს ლატვიის განათლების განვითარების სახელმწიფო სააგენტოში 2022 წლის 1 აპრილამდე, შემდეგი ვებგვერდის საშუალებით: http://www.viaa.gov.lv/scholarships. დეტალური ინფორმაცია სტიპენდიის შესახებ მოცემულია ლატვიის რესპუბლიკის განათლების განვითარების სახელმწიფო სააგენტოს ვებგვერდზე.