ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის „ბიზნესის ადმინისტრირების“ სპეციალობის II კურსის სტუდენტებმა წარმოადგინეს სოციალური, საზოგადოებრივი და ბიზნეს პროექტები. სასწავლო-პრაქტიკული პროექტები მომზადდა - „პროექტების მენეჯმენტის“ სასწავლო კურსის ფარგლებში და მიზნად ისახავდა სტუდენტთა პრაქტიკული უნარ-ჩვევების გამომუშავებას, პროექტების რეალურ გარემოში წარმართვასა და სტუდენტებისთვის პროექტების მართვის უნარების გამომუშავებას.

ბათუმის შოთა რუსთაველის სახელმწიფო უნივერსიტეტის ეკონომიკის და ბიზნესის ფაკულტეტის 25 წლის იუბილის ფარგლებში, გაიმართა თბილისის ივანე ჯავახიშვილის სახელობის სახელმწიფო უნივერსიტეტის პროფესორ თეიმურაზ შენგელიას, ასოცირებული პროფესორის ხათუნა ბერიშვილის, ბიზნეს ადმინისტრირების დოქტორების: ბონდო გასვიანისა და თინათინ ჟორჟოლიანის მონოგრაფიის „კროსკულტურული ურთიერთობები საერთაშორისო ბიზნესში“ წარდგენა.

ბსუ-ს ეკონომიკისა და ბიზნესის ფაკულტეტის 25 წლის იუბილისადმი მიძღვნილ ღონისძიებათა ციკლის ფარგლებში, ეკონომიკისა და ბიზნესის ფაკულტეტის პროფესორმა ვაჟა ვერულიძემ, წაიკითხა საჯარო ლექცია თემაზე: „ევროკავშირთან გაფორმებული ასოცირების შეთანხმების გავლენა ექსპორტისა და ეკონომიკის ზრდაზე“.

ბსუ-ს ეკონომიკისა და ბიზნესის ფაკულტეტის ასოცირებულმა პროფესორმა, ბესიკ ბოლქვაძემ მონოგრაფია – სათამაშო ბიზნესი და ეკონომიკა (გლობალური გამოცდილება და საქართველო) – გამოსცა. ნაშრომი საქართველოს გარდამავალ ეკონომიკაში სათამაშო ბიზნესისა და ეკონომიკის ურთიერთკავშირის პრობლემაზე შექმნილი პირველი სამეცნიერო კვლევაა, რომელშიც განხილულია აზარტული თამაშების გენეზისი და ევოლუცია, გაანალიზებულია მსოფლიოს 30 ქვეყნის გამოცდილება – რეგულაციები, ფინანსური მოდელები და სოციალურ-ეკონომიკური დეტერმინანტები. ნაშრომში ცალკე თავი ეთმობა საქართველოში სათამაშო ბიზნესის რეგულირების და ეკონომიკაზე ზეგავლენის აქტუალურ საკითხებს.

„ერაზმუს+“-ის აკადემიური პერსონალის გაცვლითი პროგრამის ფარგლებში, 18-22 აპრილს, კროსნოს უნივერსიტეტში იმყოფებოდნენ ეკონომიკისა და ბიზნესის ფაკულტეტის მოწვეული მასწავლებელი თამარ ფოლადაშვილი და საბუნებისმეტყველო მეცნიერებათა და ჯანდაცვის ფაკულტეტის ასოცირებული პროფესორი ინგა დიასამიძე. ვიზიტის ფარგლებში გაიმართა შეხვედრები დარგობრივი დეპარტამენტებთან, აკადემიურ პერსონალთან და ჩატარდა ლექციები ბაკალავრიატის და მაგისტრატურის ჯგუფებთან. დაიგეგმა სამომავლო თანამშრომლობის შესაძლებლობები.