ბათუმის შოთა რუსთაველის სახელმწიფო უნივერსიტეტის 2020-2021 სასწავლო წლის შემოდგომის სემეტრის „პირველსემესტრელის“ სტიპენდია ეკონომიკისა და ბიზნესის ფაკულტეტის ექვსმა სტუდენტმა მოიპოვა. გიორგი ზოიძეს, აკაკი ხიდეშელს, სოფო ანუშიძეს, ჯუმბერ დოლიძეს, ნინო ზაქარაძესა და ნინი შამილიშვილს ეკონომიკისა და ბიზნესის ფაკულტეტის ადმინისტრაცია და პროფესორ-მასწავლებლები ულოცავენ სტიპენდიის მოპოვებას და უსურვებენ წარმატებებს.
ბსუ-ს ეკონომიკისა და ბიზნესის ფაკულტეტის საბაკალავრო და სამაგისტრო პროგრამების სტუდენტები - ნიკო ლეონიძე, ხათუნა თურმანიძე და ნონა ქოქოლაძე აქტიურად მონაწილეობენ საერთაშორისო გაცვლით პროგრამებსა და სამეცნიერო კონფერნციებში. ბიზნესის ადმინისტრირების საბაკალავრო საგანმანათლებლო პროგრამის II კურსის სტუდენტმა ნიკო ლეონიძემ მონაწილეობა მიიღო 2021 წლის 16-17 თებერვალს გამართულ საერთაშორისო სტუდენტურ სამეცნიერო ონლაინ კონფერენციაში. ახალგაზრდა მომხესენებელი ბიზნესის სექციის მიმართულებით მოხსენებით „ნაღდი ფულის მიმოქცევის მნიშვნელობა თანამედროვე სამეწარმეო-სამართლებრივი იურიდიული პირების ფუნქციონირებისთვის - რეალობა და პანდემიის გავლენა“ ( სამეცნიერო ხელმძღვანელი ვლადიმერ ღლონტი) წარსდგა.
ქალაქ ბათუმის მუნიციპალიეტის მერიის საფინანსო-საბიუჯეტო სამსახურის წარმომადგენლებისა და ბსუ-ს ეკონომიკისა და ბიზნესის ფაკულტეტის სტუდენტებისა და პროფესორ-მასწავლებლების მონაწილეობით ქალაქ ბათუმის 2021 წლის ბიუჯეტის პროექტის განხილვა გაიმართა. შეხვედრის მონაწილეებმა ქალაქის მომავალი წლის ბიუჯეტის პრიორიტეტებსა და გამოწვევებზე იმსჯელეს და საკუთარი მოსაზრებები წარმოადგინეს. ონლაინ შეხვედრა ქალაქ ბათუმის მუნიციპალიეტის მერიის საფინანსო-საბიუჯეტო სამსახურის ორგანიზებით ჩატარდა.
ბსუ-ს ეკონომიკისა და ბიზნესის ფაკულტეტის სტუდენტებისათვის „ლიბერთი ბანკის“ ანაზღაურებადი სტაჟირებისა და დასაქმების პროგრამის წარდგინება გაიმართა. ახალგაზრდებს პროგრამაში მონაწილეობის პირობები ბანკის სათაო ოფისის წარმომადგენლებმა თამარ ხაინდრავამ და მაიკო ბლიაძემ გააცნეს. სტუდენტებს შესაძლებლობა ეძლევათ, სტაჟირება გაიარონ ლიბერთი ბანკში და დასაქმდნენ სხვადასხვა ფილიალში. პროექტის მიზანია ფუნქციური ცოდნის, სწორი მიდგომების, სიახლეების ათვისების უნარისა და პოტენციალის მქონე ახალგაზრდების მოზიდვა და განვითარება. თანამშრომლობის ფარგლებში, ეკონომიკისა და ბიზნესის ფაკულტეტმა და „ლიბერთი ბანკმა“ მომავალი ღონისძიებები დაგეგმეს.
გურამ თავართქილაძის სახელობის თბილისის სასწავლო უნივერსიტეტის პროფესორმა ლალი ჩაგელიშვილი-აგლაძემ ბათუმის შოთა რუსთაველის სახელმწიფო უნივერსიტეტის სტუდენტებისათვის ტრენინგი ჩაატარა თემაზე: „თანამედროვე მენეჯმენტი - ცვლილებების მართვა“. პროფესორმა ლალი ჩაგელიშვილი-აგლაძემ ახალგაზრდებს დარგის სიახლეები გააცნო და სწავლების დასასრულს, შეკითხვებს უპასუხა.
