ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის დეკანი ვლადიმერ ღლონტი და პროფესორ-მასწავლებლები პირველკურსელებს zoom-ის ონლაინ პლატფორმის საშუალებით შეხვდნენ. სტუდენტები შეხვედრაზე უმაღლესი სასწავლებლის მარეგულირებელ აქტებს, საგანმანათლებლო პროგრამების განხორციელებისა და სტუდენტთა აკადემიური შეფასების წესებს, ელექტრონული სერვისებსა და ონლაინ სწავლების სისტემას გაეცნენ. შეხვედრა კითხვა-პასუხის რეჟიმში წარიმართა და ადმინისტრაციის წარმომადგენლებმა სტუდენტების შეკითხვებს უპასუხეს.

საქართველოს ბიზნესის განვითარების ცენტრის (GBDC) კავკასიას ბათუმის ოფისის წარმომადგენელმა სერგო ბარამიძემ ბათუმის შოთა რუსთაველის სახელმწიფო უნივერსიტეტის ეკონომიკის და ბიზნესის ფაკულტეტის სტუდენტებსა და პროფესორ-მასწავლებლებს პროექტი „აგრობიზნესი ახალგაზრდებისთვის" წარუდგინა და მასში მონაწილეობის პირობები გააცნო. პროექტი „აგრობიზნესი ახალგაზრდებისთვის" დაფინანსებულია ევროკავშირის ENPARD-ის პროგრამის მიერ მხარდაჭერილი პროექტის ქედა ლიდერის ფარგლებში, რომელსაც ახორიელებს ENN-ი პარტნიორ ორგანიზაციებთან ერთად.

საქართველოს ჩემპიონი ონლაინ დებატებში „ერთი-ერთზე“ ბსუ-ს ეკონომიკისა და ბიზნესის ფაკულტეტის ბიზნესის ადმინისტრირების საბაკალავრო საგანმანათლებლო პროგრამის IV კურსის სტუდენტი გოგიტა ბარამიძე გახდა. პირველობა 20 აპრილის დაიწყო და 6 ივნისს დასრულდა. ტურნირში მონაწილეობა მიიღო საქართველოს ყველაზე პროგრესულად მოაზროვნე 16-35 წლის 64-მა ახალგაზრდამ. ჩემპიონატი „საერთაშორისო რესპუბლიკური ინსტიტუტის“ ორგანიზებით და საქართველოს საგანმანათლებლო დებატების ასოციაციის პარტნიორობით გაიმართა. ბათუმის შოთა რუსთაველის სახელმწიფო უნივერსიტეტი ულოცავს გოგიტა ბარამიძეს გამარჯვებას და უსურვებს წარმატებებს.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ორგანიზებით Zoom-ის ონლაინპლატფორმაზე, ვებპანელი „კორონავირუსის პანდემიით გამოწვეული რეცესია, მისი შემაკავებელი ბარიერები და პოსტკორონავირუსული კრიზისის დაძლევა საქართველოში“ გაიმართა. ვებპანელში 100-მდე ეკონომისტმა მიიღო მონაწილეობა და იგი საქართველოს დამოუკიდებლობის აღდგენის 29-ე წლისთავს მიეძღვნა.

2020 წლის 9 აპრილს, 12:00 საათზე, Zoom-ის ონლაინ პლატფორმაზე, ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ორგანიზებით მუშაობას დაიწყებს ვებპანელი „კორონავირუსის პანდემიით გამოწვეული რეცესია, მისი შემაკავებელი ბარიერები და პოსტკორონავირუსული კრიზისის დაძლევა საქართველოში“. ვებპანელის მუშაობა ეძღვნება საქართველოს დამოუკიდებლობის აღდგენის 29-ე წლისთავს.