ბათუმის შოთა რუსთაველის სახელმწიფო უნივერსიტეტისა და კრაკოვის ეკონომიკური უნივერსიტეტის ერთობლივი სამეცნიერო სემინარი „ევროპული ინტეგრაციის მიღწევები და გამოწვევები (პოლონეთი, საქართველო)“ გაიმართა ბსუ-ში. ღონისძიება რექტორმა მერაბ ხალვაშმა, პროფესორმა ვოიჩეკ გიზამ და რექტორის მოადგილემ ნათია წიკლაშვილმა გახსნეს. სემინარის ფარგლებში ქართველმა და პოლონელმა მკვლევარებმა მოხსენებები წარმოადგინეს ინტეგრაციისა და ეკონომიკის აქტუალურ საკითხებზე. ერთობლივი ღონისძიების დასასრულს დისკუსია გაიმართა.

ბსუ-ს ეკონომიკისა და ბიზნესის ფაკულტეტის ბიზნესის ადმინისტრირების, მენეჯმენტისა და მარკეტინგის დეპარტამენტის ხელმძღვანელმა, ასოცირებული პროფესორმა ბადრი გეჩბაიამ ბათუმის მერიის ქვეპროგრამის „საგანმანათლებლო ტურიზმის განვითარების ხელშეწყობა“ საგრანტო პროექტის ფარგლებში სტაჟირება გაიარა ბრნოს უნივერსიტეტსა და კომენიუს უნივერსიტეტში. ასოცირებული პროფესორი ევროპის უმაღლეს საგანმანათლებლო დაწესებულებებში ინოვაციური მეთოდებით სწავლების საკითხებს გაეცნო.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტი ბაკალავრიატისა და მაგისტრატურის საგანმანათლებლო პროგრამების სტუდენტთათვის აცხადებს კონკურსს სახელობითი სტიპენდიების მოსაპოვებლად. კონკურსში მონაწილეობის მიზნით კონკურსანტებმა 2019 წლის 21 ოქტომბრიდან 31 ოქტომბრის ჩათვლით 10:00 საათიდან 16:00 საათამდე ეკონომიკისა და ბიზნესის ფაკულტეტის დეკანის ოფისში, ოთახი №414 უნდა წარადგინონ.

სააქციო საზოგადოება „ალდაგის“ ბათუმის ფილიალის კორპორაციული დაზღვევის მენეჯერმა რამაზ გორგაძემ ეკონომიკისა და ბიზნესის ფაკულტეტის სტუდენტებს დასაქმების პროგრამა წარუდგინა. სტუდენტურ ცხოვრებაზე მორგებული (გამოცდილების გარეშე დასაქმება, სასწავლო პროცესს მორგებული სამსახურის სამუშაო გრაფიკი და გეგმა, ბონუსის მოქნილი სისტემა) პროგრამა ახალგაზრდებს შესაძლებლობას აძლევს, სტაჟირება გაიარონ და დასაქმდნენ „ალდაგის“ სადაზღვევო პროდუქტების გაყიდვების ვაკანსიაზე.

ბსუ-ს ეკონომიკისა და ბიზნესის ფაკულტეტის სტუდენტებისათვის „ლიბერთი ბანკის“ ანაზღაურებადი სტაჟირებისა და დასაქმების პროგრამის, ახალი ლოგოსა და სლოგანის წარდგინება გაიმართა. ახალგაზრდებს პროგრამაში მონაწილეობის პირობები ბანკის სათაო ოფისის ადამიანთა რესურსების მართვის დეპარტამენტის ხელმძღვანელმა ნინო ჩიხლაძემ, საოპერაციო განყოფილების დირექტორმა ნინო ხომერიკმა, რეგიონალურმა დირექტორმა პაატა დათიშვილმა და ადმინისტრაციულმა მენეჯერმა თათია სეფერთელაძემ გააცნეს. ახალგაზრდებს შესაძლებლობა ეძლევათ, სტაჟირება გაიარონ ლიბერთი ბანკში და დასაქმდნენ სხვადასხვა ფილიალში. პროექტის მიზანია ფუნქციური ცოდნის, სწორი მიდგომების, სიახლეების ათვისების უნარისა და პოტენციალის მქონე ახალგაზრდების მოზიდვა და განვითარება. თანამშრომლობის ფარგლებში, ეკონომიკისა და ბიზნესის ფაკულტეტმა და „ლიბერთი ბანკმა“ მომავალი ღონისძიებები დაგეგმეს.