ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის დეკანი ლევან ჯაყელი და პროფესორ-მასწავლებლები პირველკურსელებს შეხვდნენ, სტუდენტობა მიულოცეს და წარმატებები უსურვეს. სტუდენტები შეხვედრაზე უმაღლესი საგანმანათლებლო დაწესებულების ძირითად მარეგულირებელ აქტებს, საგანმანათლებლო პროგრამების განხორციელებისა და სტუდენტთა აკადემიური შეფასების წესებს, ელექტრონული სერვისებსა და პროექტებს გაეცნენ.
ბათუმის შოთა რუსთველის სახელმწიფო უნივერსიტეტის ევროპისმცოდნეობის სპეციალობის მეოთხე სასწავლო წლის სტუდენტი ამირან აბაშიძე Erasmus+ Credit mobility-ის გაცვლითი პროგრამის ფარგლებში 2019-2020 სასწავლო წლის შემოდგომის სემესტრის განმავლობაში პორტუგალიაში მინიოს უნივერსიტეტში ისწავლის. ბსუ-ს იურიდიული და სოციალურ მეცნიერებათა ფაკულტეტის საერთაშორისო ურთიერთობების და ევროპისმცოდნეობის სპეციალობის სტუდენტები აქტიურად მონაწილეობს საეთაშორისო გაცვლით პროგრამებში, რაც ხელს უწყობს როგორც ფაკულტეტის ისე უნივერსიტეტის ინტერნაციონალიზაციას.
ბსუ-ს იურიდიული და სოციალურ მეცნიერებათა ფაკულტეტის დეკანი, ასოცირებული პროფესორი ლევან ჯაყელი და ასოცირებული პროფესორი მალხაზ ნაკაშიძე ლატვიის უნივერსიტეტის იურიდიული ფაკულტეტის დეკანს, ასოცირებულ პროფესორ ანიტა როდინას შეხვდნენ. მხარეებმა შეხვედრაზე განიხილეს ლატვიის უნივერსიტეტის იურიდიულ ფაკულტეტსა და ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტს შორის სამომავლო თანამშრომლობის, სტუდენტთა და აკადემიური პერსონალის გაცვლითი პროგრამის ამოქმედების შესაძლებლობები. ლატვიის უნივერსიტეტის იურიდიული ფაკულეტის დეკანმა ანიტა როდინამ ქართველი კოლეგები საპასუხო ვიზიტით ლატვიის უნივერსიტეტის 100 წლის საიუბილეო ღონისძიებაზე მიიწვია, რომელიც რიგაში 2019 წლის 16-18 ოქტომბერს გაიმართება. შეხვედრა ბათუმის შოთა რუსთაველის სახელმწიფო უნივერსიტეტისა და მიკოლას რომერის უნივერსიტეტის ერთობლივი საერთაშორისო საზაფხულო სკოლა „კონსტიტუციური დემოკრატია: თანამედროვე გამოწვევები“ ფარგლებში გაიმართა.
სტრატეგიული კომუნიკაციების სალექციო კურსის აქტუალურ საკითხებზე ბათუმის შოთა რუსთაველის სახელმწიფო უნივერსიტეტში ვორქშოფი გაიმართა. ბსუ-ს იურიდიული და სოციალურ მეცნიერებათა ფაკულტეტის პროფესორ-მასწავლებლებმა და საქართველოს სტრატეგიის და განვითარების ცენტრის (GCSD-ის) წარმომადგენლებმა სამუშაო შეხვედრაზე კურსის სტრუქტურა, ამოცანები, მიზნები, სახელმძღვანელო ლიტერატურა და სწავლების ინოვაციური მეთოდების დანერგვის შესაძლებლობები განიხილეს. ინოვაციური სასწავლო კურსი GCSD-ისა და ბათუმის შოთა რუსთაველის სახელმწიფო უნივერსიტეტის თანამშრომლობით და აშშ-ის საელჩოს ფინანსური მხარდაჭერით ინერგება. პროგრამის ფარგლებში ასევე დაგეგმილია სტუდენტებისთვის სტიპენდიების გაცემა და სამეცნიერო კონფერენციის ორგანიზება.
დასრულდა ბათუმის შოთა რუსთაველის სახელმწიფო უნივერსიტეტისა და მიკოლას რომერის უნივერსიტეტის ერთობლივი საერთაშორისო საზაფხულო სკოლა „კონსტიტუციური დემოკრატია: თანამედროვე გამოწვევები“. იურიდიული და სოციალურ მეცნიერებათა ფაკულტეტის დეკანმა ლევან ჯაყელმა, ბსუ-ს ასოცირებულმა პროფესორმა, საზაფხულო სკოლის პროექტის ხელმძღვანელმა მალხაზ ნაკაშიძემ, ჰემლაინის უნივერსიტეტის პროფესორმა დევიდ შულცმა და მიკოლას რომერის უნივერსიტეტის პროფესორმა თომა ბირმონტიენემ სკოლის მონაწილეებს საქართველოს კონსტიტუციის დღე მიულოცეს და სერტიფიკატები გადასცეს. საერთაშორისო საზაფხულო სკოლაში 20 ქართველი და უცხოელი სტუდენტი მონაწილეობდა. ახალგაზრდებს კონსტიტუციური სამართალის, კონსტიტუციური დემოკრატიის მნიშვნელოვანი ინსტიტუტების აქტუალური საკითხები ამერიკისა და ევროპის წამყვანი უნივერსიტეტების პროფესორებმა გააცნეს.
