ბერლინის თავისუფალი უნივერსიტეტის პროფესორმა იან ქოლერმა იურიდიული და სოციალურ მეცნიერებათა ფაკულტეტის საერთაშორისო ურთიერთობებისა და ევროპისმცოდნეობის სპეციალობის სტუდენტებისათვის საჯარო ლექცია ჩაატარა თემაზე: „კონფლიქტების კვლევის ინსტიტუციური მიდგომა“. პროფესორმა იან ქოლერმა ახალგაზრდებს გააცნო ფორმალური და არაფორმალური ინსტიტუტების როლი სოციალური წესრიგის ინჟინერინგში.
ბათუმის შოთა რუსთაველის სახელმწიფო უნივერსიტეტის იურიდიულ და სოციალურ მეცნიერებათა ფაკულტეტის ასოცირებულმა პროფესორმა გივი აბაშიძემ მონაწილეობა მიიღო 24-25 მაისს თბილისში, საქართველოს მეცნიერებათა ეროვნულ აკადემიაში გამართულ საერთაშორისო სამეცნიერო კონფერენციაში „კრიმინოლოგიის მნიშვნელობა სახელმწიფოში და მისი ადგილი მეცნიერებათა სისტემაში“. სესიის მუშაობაში ქართველი მეცნიერებთან ერთად კრიმინოლოგიური დარგის ცნობილი უცხოელი მეცნიერები მონაწილეობდნენ. ასოცირებულმა პროფესორმა გივი აბაშიძემ კონფერენციის ორგანიზატორებს გადასცა ბსუ-ს რექტორის მერაბ ხალვაშის მისალმების ადრესატი და გამოვიდა მოხსენებით „კრიმინოლოგიის მნიშვნელობა, მისი ადგილი და როლი დამნაშავეობის წინააღმდეგ ბრძოლის საქმეში“.
ბათუმის შოთა რუსთაველის სახელმწიფო უნივერსიტეტში ახალი საბაკალვრო საგანმანათლებლო პროგრამის საჯარო მმართველობის შემუშავების ფარგლებში გარე შეფასების მიზნით გაიმართა პროგრამის მიზნების, შედეგების განხილვა ბერლინის თავისუფალი უნივერსიტეტის პროფესორთან იან ქიოლერთან. სამუშაო ჯგუფის ხელმძღვანელმა ასოცირებულმა პროფესორმა ირაკლი მანველიძემ იონ ქიოლერს გააცნო საგანმანთლებლო პროგრამის სტრუქტურა, კურიკულუმი, სასწავლო კურსები, პროგრამის მიზნები, ამოცანები, დასაქმების ბაზრის და დამსაქმებელთა მოთხოვნების ანალიზი. შეხვედრაზე პროფესორმა იან ქოლერმა დადებითად შეაფასა საგანმანათლებლო პროგრამა და გამოთქვა სურვილი, სასწავლო კურიკულუმში აისახოს კონფლიქტების და ძალადობის ამსახველი კურსები, რადგან ძალადობისა და კონფლიქტების რისკების ზრდის პირობებში აუცილებელია თანამედროვე საჯარო მოხელეს ჰქონდეს შესაბამისი ცოდნა და უნარები.
საერთაშორისო ურთიერთობებისა და ევროპისმცოდნეობის სპეციალობის მეოთხე კურსის სტუდენტები სასწავლო პრაქტიკას აჭარის ა.რ. მთავრობის აპარატის საერთაშორისო ურთიერთობებისა და პროტოკოლის განყოფილებასა და აზერბაიჯანის გენერალურ საკონსულოში გადიან. სასწავლო პრაქტიკის მიზანია საგანმანათლებლო პროგრამის ფარგლებში მიღებული თეორიული ცოდნის გაღრმავება, სამუშაო გარემოში თეორიული ცოდნის გამოყენება, პრაქტიკული უნარ-ჩვევების განვითარება და პრაქტიკული მუშაობისთვის აუცილებელი კომპეტენციების ჩამოყალიბება. სტუდენტების სასწავლო პრაქტიკას საზოგადოებრივ და პოლიტიკურ მეცნიერებათა დეპარტამენტის ასოცირებული პროფესორების ირაკლი მანველიძისა და ნატალია ლაზბას ხელმძღვანელობით გადიან.
საზოგადოებრივი ჯანმრთელობის ევროპული კვირეულს ფარგლებში იურიდიული და სოციალურ მეცნიერებათა ფაკულტეტი ასოცირებულმა პროფესორმა ქეთევან ბერიძემ საჯარო ლექცია წაიკითხა თემაზე: „ახალგაზრდების ფსიქიკური ჯანმრთელობა“. მომხსენებელმა სტუდენტებს ფსიქიკური დაავადებების სპეციფიკა და გამომწვევი ზოგადი მიზეზები გააცნო, ყურადღება გაამახვილა ფიზიკურ, ფსიქოლოგიურ და სხვა გარემომცველ ფაქტორზე. ლექციის დასრულების შემდეგ ასოცირებულმა პროფესორმა ქეთევან ბერიძემ სტუდენტების შეკითხვებს უპასუხა.
