ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ასისტენტ პროფესორმა ირმა ბაგრატიონმა სკოლა-ლიცეუმის „მასტერ-კლასის“ X, XI და XII კლასების მოსწავლეებისათვის საჯარო ლექცია წაიკითხა თემაზე: „ხელოვნების არსი და დანიშნულება“ და წარმოადგინა სალექციო თემატიკის შესაბამისი პრეზენტაცია პოპულარულ-აქტუალური ვიდეო-ინსტალაციების სახით. მომხსენებელმა დეტალურად განიხილა ხელოვნების დანიშნულების საკითხი როგორც სამოქალაქო, ისე საეკლესიო ცხოვრებაში, ხელოვნების ძირითადი ფუნქციების თავისებურებანი, ხელოვნების ნაწარმოების არსებობის წესის სპეციფიკისა და შეფასების კრიტერიუმების კვლევის პრობლემები.

დედაენის დღისადმი მიძღვნილი კვირეული ბათუმის შოთა რუსთაველის სახელმწიფო უნივერსიტეტში რამდენიმე ღონისძიებით დასრულდა. პროფესორმა მურმან გორგოშაძემ ბსუ-ს მიზნობრივი სამეცნიერო პროექტის - „აჭარის ავტონომიურ რესპუბლიკაში საჯარო ინფორმირებისათვის სახელმწიფო ენის გამოყენების პრაქტიკის კვლევა“ შედეგები წარმოადგინა. ქართული ენის აქტუალურ საკითხებზე მრგვალი მაგიდა გაიმართა, რომელშიც ბსუ-ს პროფესორ-მასწავლებლებთან ერთად, მონაწილეობა მიიღეს რექტორმა მერაბ ხალვაშმა, საქართველოს ენის სახელმწიფო დეპარტამენტის თავმჯდომარემ გიორგი ალიბეგაშვილმა და სახელმწიფო ენის დეპარტამენტის სამსახურის უფროსმა თინათინ ბოლქვაძემ.

პროექტის „მე მიყვარს ქართული – ჩემი სახელმწიფო ენა“ და ქართული ენის კვირეულის ფარგლებში ბათუმის შოთა რუსთაველის სახელმწიფო უნივერსიტეტის ქართული ენაში მომზადების საგანმანათლებლო პროგრამის (პროგრამა 1+4) სტუდენტებისათვის ჩატარდა კარნახით წერა ქართულ ენაში. ღონისძიება ერთდროულად საქართველოს ათ უმაღლეს საგანმანათლებლო დაწესებულებაში გაიმართა და პროექტის მონაწილე არაქართულენოვანმა სტუდენტებმა ქართული ენის ცოდნის დონე შეამოწმეს. ახალგაზრდები ასევე აქტიურად ჩაერთნენ ქართული ენის დღისადმი მიძღვნილ სხვადასხვა ღონისძიებაში და გამოხატეს პატივისცემა ქართულის, როგორც სახელმწიფო ენისადმი. 10 საუკეთესო ნაშრომის ავტორს ჟიური გამოავლენს და სამახსოვრო საჩუქრებს გადასცემს.

ფრანკოფონია - 2018 ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ორგანიზებით რამდენიმე ღონისძიებით აღინიშნა. 18 მარტს კვირეული კონკურსით - „Bonjour la France’’ დაიწყო, რომელშიც მონაწილეობა რეგიონის საჯარო და კერძო სკოლის მოსწავლეებმა მიიღეს. 20 მარტს კონფერენცია „საფრანგეთის ახალი გამოწვევები“ ჩატარდა, ხოლო 26 მარტს ბათუმის აკაკი წერეთლის სახელობის საჯარო ბიბლიოთეკის ამერიკის კუთხეში კულტურულ-შემეცნებითი ქვიზი „საფრანგეთის ცივილიზაცია“ გაიმართა. ფრანკოფონიის კვირეული ფრანგული ენისა და კულტურის პოპულარიზაციას ემსახურება.