ბათუმის შოთა რუსთაველის სახელმწიფო უნივერსიტეტში საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტის საზაფხულო დიპლომატიური სკოლა „საქართველოს საგარეო პოლიტიკა და მისი პრიორიტეტები“ გაიხსნა. დიპლომატიური ინსტიტუტის მკვლევრები 29 ივნისიდან 1-ლი ივლისის ჩათვლით ლექციებს წაიკითხავენ საქართველოს საგარეო პოლიტიკის სტრატეგიულ მიმართულებებზე. ლექციათა ციკლი მიზნად ისახავს საერთაშორისო ურთიერთობების, საგარეო პოლიტიკის და მომიჯნავე საკითხებზე მომუშავე სამიზნე ჯგუფების საინფორმაციო, ანალიტიკური და კვლევითი პროდუქტით უზრუნველყოფას.

ბსუ-ს იურიდიული და სოციალურ მეცნიერებათა ფაკულტეტის ფსიქოლოგიის საგანმანათლებლო პროგრამის პირველი კურსის სტუდენტების ორგანიზებით, ფსიქოლოგიის ისტორიის სასწავლო კურსის (ხელმძღვანელი, ასისტენტ-პროფ. გურანდა შამილიშვილი) ფარგლებში რეჟისორ დენის განზელის თანამედროვე გერმანული ფილმის „ტალღა’’ ჩვენება და დისკუსია გაიმართა. ფილმში მოთხრობილი იყო გიმნაზიის მასწავლებლის რაინერ ვენჯერის ექსპერიმენტზე, რომელიც მიზნად ისახავდა დაემტკიცებინა თავისი მოსწავლეებისთვის, დიქტატურის პირობებში ცხოვრებას რა გავლენა აქვს პიროვნებაზე და რა სახის ნეგატიურ შედეგებს იწვევს. ღონისძიების დასრულების შემდეგ, სტუდენტებმა და პროფესორ-მასწავლებლებმა ფსიქოლოგიური თვალსაზრისით შეაფასეს ფილმი და მასში ასახულ მნიშვნელოვან და აქტუალურ რობლემებზე, ინდივიდის სოციალური „მე’’-ს ფორმირების სოციალურ-ფსიქოლოგიურ ასპექტებზე ისაუბრეს.

იურიდიულ და სოციალურ მეცნიერებათა ფაკულტეტის საჯარო მმართველობის საგანმანათლებლო პროგრამის მეორე კურსის სტუდენტებს სასწავლო კურსის - პერსონალის შერჩევა და მართვა-ს ფარგლებში, სასტუმრო „ჰილტონში“ HR-მა ბატონმა გენო ძიძიგურმა საჯარო ლექცია ჩაუტარა. სტუდენტები გაეცნენ HR-ის საქმიანობის არეალს, ვაკანსიების მომზადებისა და გამოცხადების პროცედურებს, გასაუბრების დროს მინიჭებულ პრიორიტეტებს, დასაქმებულთა მოტივაციისა და წახალისების სხვადასხვა ფორმასა და საშუალებას. საჯრო ლექცია ორიენტირებული იყო თეორიული და პრაქტიკული სწავლების კომბინაციით სტუდენტებში შესაბამისი უნარების განვითარებაზე, თეორიული ცოდნის პრაქტიკაში სწრაფ ტრანსფერზე.

საარჩევნო სისტემათა საერთაშორისო ფონდისა (IFES) და ბათუმის შოთა რუსთაველის სახელმწიფო უნივერსიტეტის თანამშრომლობის ფარგლებში, ბსუ-ში დისკუსია გაიმართა თემაზე: „საქართველოში ადამიანის უფლებების დაცვის მიმართულებით არსებული გამოწვევები და პროგრესი“. ღონისძიება გახსნეს და მონაწილეებს მიესალმნენ ბსუ-ს რექტორი, პროფესორი მერაბ ხალვაში, საქართველოს სახალხო დამცველის მოადგილე გიორგი ბურჯანაძე, საარჩევნო სისტემათა საერთაშორისო ფონდის (IFES) წარმომადგენლები დავით ღონღაძე და ლელა ჯავახაშვილი.

ბსუ-ში იურიდიულ და სოციალურ მეცნიერებათა ფაკულტეტის სტუდენტებთან მიგრაციის საერთაშორისო ორგანიზაციცია IOM -მა საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის აჭარის ბიუროსთან თანამშრომლობით, მიგრაციის და უსაფრთხო გადაადგილების საკითხებთან დაკავშირებით საინფორმაციო შეხვედრა გამართა. შეხვედრაზე საუბარი შეეხო ევროკავშირის პროგრამებით საქართველოს მოქალაქეებისათვის გახსნილ შესაძლებლობებს და იმ რისკებსა და საფრთხეებს, რაც ამ პროგრამებში არამართლზომიერ ჩართულობას და წესების დარღვევით გამოყენებას ახლავს თან.