ბათუმის შოთა რუსთაველის სახელმწიფო უნივერსიტეტი 2020 წლიდან ჩართულია აშშ-ს საელჩოს მედიაგანთლების პროგრამაში MEDIA EDUCTION PROGRAMI(MEP), რომელიც მიმართულია საქართველოში ჟურნალისტიკის სწავლების გაძლიერებისაკენ. პროგრამის ფარგლებში შესაძლებელი გახდა ბათუმის უნივერსიტეტში ჟურნალისტიკის მიმართულების ჩამოყალიბება და სამაგისტრო და საბაკალავრო პროგრამების შემუშავება. ამავე პროგრამის ფარგლებში აშშ-ის უნივერსიტეტების მედიასკოლებში სამუშაო ვიზიტით იმყოფებოდნენ „ციფრული მედიისა და ინოვაციების“ სამაგისტრო პროგრამის განმახორციელებლები, პროფესორი ინგა შამილიშვილი, დოქტორი ირმა გაბინაშვილი, ხოლო მიმდინარე წლის 2-18 აპრილს ჟურნალისტთა საერთაშორისო ცენტრის INTERNATIONAL CENTER FOR JOURNALISTS (ICFJ) მიწვევით, სასწავლო ვიზიტით იმყოფებოდა ასისტენტ პროფესორი გვანცა საბაშვილი.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის აღმოს-ავლეთმცოდნეობის დეპარტამენტის ორგანიზებით გაიმართა მოსწავლეთა მეექვსე სამეცნიერო კონფერენცია თემაზე: „ახლო აღმოსავლეთი და საქართველო“. მოსწავლეებმა კონფერენციაზე მოხსენებები წარმოადგინეს შემდეგი მიმართულებით: ახლო აღმოსავლეთისა და საქართველოს ისტორიული, ეთნოგრაფიული, არქეოლოგიური, კულტურული, ენობრივი, ლიტერატურული ურთიერთობების შესახებ.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ასოცირებულმა პროფესორებმა თამილა დავითაძემ და ნანა მაზმიშვილმა მონაწუილეობა მიიღეს ბულგარეთში, ბლაგოევგრადის ნეოფიტ რილსკის უნივერსიტეტშის მიერ ორგანიზებულ 32-ე საერთაშორისო კონფერენციაში „Privileged and Deprived”. კონფერენციაზე ბსუ-ს აკადემიურმა პეროსნალმა წარადგინა ინტერდისციპლინარულ ჭრილში განხორციელებული აქტუალური კვლევის შედეგები. საერთაშორისო ფორუმზე ბათუმის შოთა რუსთაველის სახელმწიფო უნივერსიტეტის აკადემიური პერსონალის ავტორობით შესრულებული სამი კვლევა იყო წარდგენილი.

17-21 აპრილს „ერაზმუს+“-ის PEERS-ს პროექტის გაცვლითი პროგრამის ფარგლებში, ბათუმის შოთა რუსთველის სახელმწიფო უნივერსიტეტის ასოცირებული პროფესორი ქეთევან სვანიძე აკადემიური მობილობით მინიოს უნივერსიტეტში (პორტუგალია) იმყოფებოდა. ქეთევან სვანიძემ მინიოს უნივერსიტეტის სტუდენტებისათვის ჩაატარა ლექციები სასწავლო კურსებში „კულტურათაშორისი კომუნიკაცია“ და „ლინგვოკულტუროლოგია“.

18-19 აპრილს ჰუმანიტარულ მეცნიერებათა ფაკულტეტის ინიცირებითა და უნივერსიტეტის ხარისხის უზრუნველყოფის სამსახურის ორგანიზებით, ბსუ-ს პროფესორ- მასწავლებლებისა და სტუდენტებისათვის ჩატარდა ტრენინგი თემაზე: „სამეცნიერო ონლაინ-რესურსები და საერთშორისო მაღალრეიტინგულ ჟურნალებში სტატიების გამოქვეყენება“. ტრენინგს უძღვებოდა აღმოსავლეთ ევროპის უნივერსიტეტის ვარლამ ჩერქეზიშვილის სახელობის ინტერდისციპლინური კვლევების ცენტრის ხელმძღვანელი, პროფესორი გიორგი თავაძე. ტრენინგ-პროგრამის ფარგლებში მონაწილეები გაეცნენ ჰუმანიტარული მეცნიერებების მიმართულებებით არსებულ სამეცნიერო ბაზებს, ელექტრონულ კატალოგებთან მუშაობის წესებს, სამეცნიერო ინსტიტუტების, გამომცემლობებისა და სხვა სამეცნიერო ინტერნეტ-რესურსების მოძიების ხერხებსა და იქ არსებული ინფორმაციის დამუშავების მეთოდებს.