ბსუ-ს ჰუმანიტარულ მეცნიერებათა ფაკულტეტის ისტორიის პროფესორებისა და სტუდენტებისთვის ილიას უნივერსიტეტის პროფესორმა პაატა ბუხრაშვილმა საჯარო ლექცია ჩაატარა თემაზე: „3 000 წლის წინანდელი სამლოცველო მთა ნაზარლებზე“. მომხსენებელმა ისაუბრა დედოფლისწყაროს მუნიციპალიტეტში, შირაქის ზეგანზე, მთა ნაზარლების თხემზე, ერთობლივი ქართულ-გერმანული არქეოლოგიური ექსპედიციის მიერ ახლად აღმოჩენილ, ძალზე საინტერესო არქეოლოგიური ძეგლის (ქრისტემდე XII-X სს.) შესახებ. ასევე წარმოადგინა არგუმენტირებული ვარაუდები და დასკვნები აღნიშნული არქეოლოგიური ძეგლზე, მის მნიშვნელობაზე კავკასიის გვიანი ბრინჯაო-ადრე რკინის ხანის კულტურათა სისტემაში. პროფესორმა პაატა ბუხრაშვილმა ლექციის დასრულების შემდეგ შეკითხვებს უპასუხა.

ბათუმის შოთა რუსთაველის სახელმწიფო უნივერსიტეტში მიუნსტერის უნივერსიტეტის პროფესორი კორდულა შულცე ვორქშოპს ატარებს ბსუ-ს სტუდენტებისა და კერძო და საჯარო სკოლის მოსწავლეებისათვის. ღონისძიების მონაწილეები ორი დღის განმავლობაშიგერმანული თანამედროვე სალაპარაკო ენისა და გერმანული კულტურის აქტუალურ საკითხებს გაეცნობიან, აუთენტურ მასალად გამოყენებული იქნება სხვადასხვა ჟანრის გერმანულენოვანი სიმღერა. ვორქშოპი ბსუ-სთან გაფორმებული მემორანდუმის ფარგელბში ტარდება.

15-16 ივნისს „ერაზმუს+“-ის პროექტის, რურდის კონსორციუმის წევრი უნივერსიტეტების მონაწილეობით ზუგდიდის შოთა მესხიას სახელმწიფო სასწავლო უნივერსიტეტში სამუშაო შეხვედრები გაიმართა. ორდღიან სამუშაო შეხვედრებზე საქართველოს 9 რეგიონულმა უნივერსიტეტმა წარმოადგინა სამუშაო ანგარიში. რურდის მკვლევარმა, ბსუ-ს ტექნოლოგიური ფაკულტეტის დეკანმა გაიოზ ფარცხალაძემ შეხვედრაზე წარმოადგინა პრეზენტაცია ბსუ-ს ტექნოლოგიურ ფაკულტეტზე RURD-ის ფარგლებში გაწეული მუშაობის შესახებ.

8-9 ივნისს, ბათუმის შოთა რუსთაველის სახელმწიფო უნივერსიტეტში ფრანგულ-გერმანული კინოს დღეები გაიმართა. ღონისძიების ფარგლებში შედგა თანამედროვე ფრანგული და გერმანული ფილმების: „პაპიშა“ „უხილავები“ „ტრანზიტი”და „ტონი ერდმანი“ ჩვენება. ღონისძიების დასრულების შემდეგ სტუდენტებმა და პროფესორ-მასწავლებლებმა უცხოელ ექსპერტებთან ერთად ფილმები შეაფასეს და მათში ასახულ მნიშვნელოვან და აქტუალურ თემებზე ისაუბრეს. კინოს დღეები საქართველოს ფრანგული ინსტიტუტისა და საქართველოში გოეთეს ინსტიტუტის ორგანიზებით გაიმართა.

„Erasmus+”-ის ინსტიტუციური განვითარების პროექტის - „რეგიონული უნივერსიტეტების როლი რეგიონის განვითარებაში” (RURD – role of universities in the regional development), მკვლევარმა, პროფესორმა მარინა გიორგაძემ ბსუ-ს ჰუმანიტარულ მეცნიერებათა ფაკულტეტის აკადემიური პერსონალისთვის ტრენინგი ჩაატარა ტემაზე: „უნივერსიტეტის მისია, სტრატეგიული განვითარების გეგმა და საგანმანათლებლო პროგრამების მიზნები და შედეგები". მონაწილეები გაეცნენ ბსუ-ს მისიას, სტრატეგიული განვითარების გეგმას და მათთან საგანმანათლებლო პროგრამების მიზნებისა და შედეგების შესაბამისობის საკითხებს. პროექტში საქართველოს 11 უნივერსიტეტთან ერთად ჩართულია ევროპის (ლიეტუვა, ესპანეთი, ავსტრია, ჩეხეთი) უნივერსიტეტები. ევროპულ უნივერსიტეტებთან თანამშრომლობის საფუძველზე, პროექტის ფარგლებში, მომზადდა LLL კურსი.