„Erasmus+”-ის ინსტიტუციური განვითარების პროექტის - „რეგიონული უნივერსიტეტების როლი რეგიონის განვითარებაში” (RURD – role of universities in the regional development) ფარგლებში ბათუმის შოთა რუსთაველის სახელმწიფო უნივერსიტეტში სამუშაო შეხვედრა გაიმართა. ღონისძიებაში მონაწილეობა მიიღეს ბსუ-ს რექტორმა, პროფესორმა მერაბ ხალვაშმა, აჭარის ა.რ. განათლების, კულტურისა და სპორტის მინისტრის მოადგილემ ბადრი ნაკაშიძემ, აჭარის ა. რ. ტურიზმისა და კურორტების დეპარტამენტის თავმჯდომარემ თინათინ ზოიძემ და პროფესორ-მასწავლებლებმა.

ბსუ-ს ჰუმანიტარულ მეცნიერებათა ფაკულტეტის არქეოლოგიისა და ლიტერატურათმცოდნეობის სადოქტორო პროგრამების დოქტორანტებმა: ანდრია როგავამ, თამაზ დარჩიძემ და მარინა მჟავანაძემ შოთა რუსთაველის საქართველოს ეროვნული სამეცნიერო ფონდის დოქტორანტების კვლევითი გრანტების 2021 წლის კონკურსში გაიმარჯვეს. ანდრია როგავა სადისერტაციო ნაშრომზე ემერიტუს-პროფესორ შოთა მამულაძის ხელმძღვანელობით მუშაობს, თამაზ დარჩიძე - ემერიტუს-პროფესორების: შოთა მამულაძის და ამირან კახიძის ხელმძღვანელობით, ხოლო მარინა მჟავანაძეს ხელმძღვანელობას პროფესორები: რამაზ ხალვაში და მანანა თანდაშვილი უწევენ. ბათუმის შოთა რუსთაველის სახელმწიფო უნივერსიტეტი ულოცავს ახალგაზრდა მკვლევარებს გამარჯვებას და უსურვებს წარმატებებს.

ბათუმის შოთა რუსთაველის სახელმწიფო უნივერსიტეტის აკადემიურმა საბჭომ ისტორიის მეცნიერებათა დოქტორს, გერმანიის არქეოლოგიის ინსტიტუტის წევრ-კორესპონდენტს, პროფესორ ჯონი აფაქიძეს საპატიო დოქტორის წოდება მიანიჭა. პროფესორმა ჯონი აფაქიძემ მნიშვნელოვანი წვლილი შეიტანა ახალგაზრდა მეცნიერების აღზრდაში, ქართული არქეოლოგიის განვითარებაში, მისი საზღვარგარეთ წარმოჩენისა და პოპულარიზაციის საქმეში.

ბათუმის შოთა რუსთაველის სახელმწიფო უნივერსიტეტისა და ფრანკფურტის გოეთეს უნივერსიტეტის თანამშრომლობის ფარგლებში მე-10 სეზონური სკოლა გაიხსნა დიგიტალურ ჰუმანიტარიაში თემაზე: „აჭარის ლინგვოკულტურული პორტრეტი“. სეზონური სკოლა მიზნად ისახავს ბსუ-ს ლინგვოკულტუროლოგიური დიგიტალური არქივის (DigiArchive) ახალი მასალით შევსებასა და აჭარის ლინგვოკულტუროლოგიური პორტრეტის შექმნაში სტუდენტების ჩართვას. საკვლევი არეალი განისაზღვრა ისტორიული სხალთა-ხიხანის ხეობით. საზაფხულო სკოლის ფარგლებში სტუდენტები გაეცნობიან დოკუმენტირებისა და არქივირების მეთოდების თეორიულ და მეთოდოლოგიურ საფუძვლებს, აითვისებენ არქივირების ტექნოლოგიურ და პროგრამულ ინსტრუმენტებს, საველე ექპედიციებში მოიპოვებენ ახალ რესურსებს და მოამზადებენ არქივირებისათვის.

აზერბაიჯანის რესპუბლიკის მეცნიერებათა ეროვნული აკადემიის არქეოლოგიისა და ეთნოგრაფიის ინსტიტუტისა და აზერბაიჯანის ისტორიის ეროვნული მუზეუმის წარმომადგენლები ბსუ-ს რექტორს მერაბ ხალვაშს და რექტორის მოადგილეს თამარ სირაძეს შეხვდნენ. სტუმრები პროგრამის „Horizon 2020“-ის პროექტის ფარგლებში ერთი თვის განმავლობაში მუშაობდნენ ბსუ-ს ბიბლიოთეკაში, გაეცნენ ლიტერატურას, გაცვალეს სამეცნიერო შრომები, ასევე მოინახულეს ქალაქის კულტურული მემკვიდრეობის ძეგლები და შთაბეჭდილებები და სამომავლო თანამშრომლობის პერსპექტივები გაუზიარეს უნივერსიტეტის რექტორს. ვიზიტი პროექტის „ევროპისა და შავიზღვისპირეთის რეგიონის სამეცნიერო გაცვლა და აკადემიური კულტურა - XVIII ს. ბოლოსა და XXI ს. დასაწყისში“ ფარგლებში განხორციელდა.