ბათუმის შოთა რუსთაველის სახელმწიფო უნივერსიტეტში ჰუმანიტარულ მეცნიერებათა ფაკულტეტის ისტორიის, არქეოლოგიისა და ეთნოლოგიის დეპარტამენტის ღვაწლმოსილი ლექტორის ნოდარ ბარამიძის 90 წლისადმი მიძღვნილი საიუბილეო სხდომა გაიმართა. ღვაწლომოსილ ლექტორს იუბილე მიულოცეს, წარმატებები უსურვეს და მის ღვაწლზე ისაუბრეს ბსუ-ს რექტორმა, მერაბ ხალვაშმა, ფაკულტეტის დეკანმა მარინე გიორგაძემ, პროფესორ-მასწავლბლებმა და სტუდენტებმა. ღონისძიებაზე ნოდარ ბარამიძეს განათლების სფეროში ხანგრძლივი და ნაყოფიერი საქმიანობისა და მომავალი თაობების აღზრდაში შეტანილი განსაკუთრებული წვლილისთვის მადლობის სიგელი და სამახსოვრო საჩუქრები გადაეცა.

27-28 იანვარს ჰუმანიტარულ მეცნიერებათა ფაკულტეტის პროფესორ-მასწავლებლებისათვის ჩატარდა ტრენინგი თემაზე: ონლაინ-სამეცნიერო ბაზებთან მუშაობის პრინციპები. ტრენინგი ჩაატარა ფილოსოფიის დოქტორმა, ქართულ-ამერიკული უნივერსიტეტის (გაუ) პროფესორმა გიორგი თავაძემ.

პოეტმა რატი ამაღლობელმა ბათუმის შოთა რუსთაველის სახელმწიფო უნივერსიტეტში საჯარო ლექცია წაიკითხა თემაზე: „ევროპა - საქართველოს ტრადიციული არჩევანი“. რატი ამაღლობელი ბსუ-ს სტუდენტებს ქართულ და ევროპულ ღირებულებებსა და ტრადიციებზე ესაუბრა. ღონისძიება ფონდ „ღია საზოგადოება - საქართველოს“ პროექტის - „ევროპა - საქართველოს ტრადიციული არჩევანი“ - ფარგლებში გაიმართა.

ბათუმის შოთა რუსთაველის სახელმწიფო უნივერისიტეტში შოთა რუსთაველის საქართველოს სამეცნიერო ფონდის მიერ დაფინანსებული საგრანტო პროექტის - კათოლიკობა და კათოლიკეები სა¬ქა¬რ¬თვე¬ლო¬ში XIX-XXI საუკუნეებში (ისტორია, კუ¬ლ¬ტუ¬რა, თანამედროვეობა) (FR17_416) - ფარგლებში, 24-26 დეკემბერს მოეწყო ფოტოგამოფენა სახელწოდებით „კათოლიკობა საქართველოში“. გამოფენაზე წარმოდგენილ იყო ცნობილი ქართველი კათოლიკე მოღვაწეების (პეტრე ხარისჭირაშვილი, მიხეილ თამარაშვილი, ივანე გვარამაძე, სიმონ და პოლ ზაზაძეები...), კათოლიკური ეკლესიების, სტამბოლის ქართული კათოლიკური სავანის, კათოლიკეთა შესახებ არსებული სამეცნიერო ლიტერატურის ამსახველი ფოტოები.

ბათუმის შოთა რუსთაველის სახელმწიფო უნივერსიტეტში არტ-სტუდია „ანდამატისა“ და ბათუმის მე-2 საჯარო სკოლის მოსწავლეთა საახალწლო ნამუშევრების გამოფენა-გაყიდვა გაიმართა. საქველმოქმედო აქციით შემოსული თანხა თამუნა ბენდელიანს გადაეცა. სამი შვილის დედა ავთვისებიანი პროგრესირებადი მელანომით არის დაავადებული, რომლის სამკურნალო ხარჯები აღემატება ოჯახის ფინანსურ შესაძლებლობებს. საქველმოქმედო აქცია ბათუმის შოთა რუსთაველის სახელობის სახელმწიფო უნივერსიტეტისა და სტუდენტური თვითმმართველობის მხარდაჭერით ჩატარდა.