27 მაისსა და 5 ივნისს ჰუმანიტარულ მეცნიერებათა ფაკულტეტის ორგანიზებით შეხვედრა გაიმართა. ფაკულტეტის ადმინისტრაციის წევრები სამაგისტრო-საგანმანათლებლო პროგრამების მეორე კურსის სტუდენტებს შეხვდნენ. მაგისტრანტებს ხარისხის უზრუნველყოფის სამსახურის უფროსმა, ასოცირებულმა პროფესორმა ჟუკა გუმბარიძემ სტუდენტებსა და პროფესორ-მასწავლებლებს გააცნო სამაგისტრო ნაშრომების Moodle-ის ელექტრონულ სისტემაში პლაგიატის გამოვლენის პროგრამის Turnitin-ის გამოყენებით ნაშრომის ატვირთვის, შემოწმების ვადები და პროცედურები.

ნორვეგიის ტელემარკის უნივერსიტეტის პროფესორმა დევიდ ისაკსენმა მეთოდოლოგიური სემინარი ჩაატარა თემაზე: „საქმიანი კომუნიკაცია ინგლისურ ენაზე“. სემინარს ესწრებოდნენ ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ევროპეისტიკის დეპარტამენტისა და ბათუმის სახელმწიფო საზღვაო აკადემიის უცხო ენათა აკადემიური დეპარტამენტის პროფესორ-მასწავლებლები. დევიდ ისაკსენმა მსმენელებს გააცნო სასწავლო კურსის „საქმიანი კომუნიკაცია ინგლისურ ენაზე“ შინაარსი, მისი სტრუქტურა, სასწავლო პროცესში გამოყენებული უახლესი ლიტერატურა და სწავლების მეთოდები პრაქტიკული აქტივობების დემონსტრირების გზით. მეთოდოლოგიური სემინარის მსმენელებს გადაეცათ სერტიფიკატები.

მონოგრაფიის - „აფხაზები აჭარაში - წარსული და თანამედროვეობა“ წარდგენა გაიმართა ბათუმში შოთა რუსთაველის სახელმწიფო უნივერსიტეტში. წიგნი მომზადებულია შოთა რუსთაველის ეროვნული სამეცნიერო ფონდის საგრანტო სამეცნიერო პროექტის „აფხაზები აჭარაში“. ნაშრომში აღწერილია აჭარაში მცხოვრებ აფხაზთა ოჯახებში კომპლექსური საველე ექსპედიციების შედეგად შეკრებილ მასალებზე, საარქივო წყაროებსა და მემუარულ ლიტერატურაზე დაყრდნობით, კომპლექსურადაა შესწავლილი აჭარაში მცხოვრებ აფხაზთა გადმოსახლების, დამკვიდრებისა და ცხოვრების ისტორია.

ბათუმის შოთა რუსთველის სახელმწიფო უნივერსიტეტის თავისუფალ სივრცეში „სარდაფი 21“ მწერალ ნიაზ ზოსიძესთან შეხვედრა თემაზე - „ფერეიდანი“ და წიგნის „გომარჯოს ფერეიდანს“ წარდგენა გაიმართა. ნიაზ ზოსიძემ სტუდენტებსა და საზოგადოების წარმომადგენლებს ფერეიდანში მცხოვრები ქართველების კულტურა, ყოფა-ცხოვრება, ქართული ენის ფერეიდნული თავისებურებები და წიგნზე მუშაობის ისტორია გააცნო. ღონისძიება ბსუ-ს ლიტერატურული კლუბის ორგანიზებით ჩატარდა.

24-26 მაისს ევროკომისიის უმაღლესი განათლების რეფორმის ექსპერტმა, ირინე დარჩიამ ჰუმანიტარულ მეცნიერებათა ფაკულტეტის საგანმანათლებლო პროგრამების ხელმძღვანელებისა და ხარისხის კოორდინატორებისათვის ტრენინგი ჩაატარა. სწავლება მოიცავდა სამ მოდულს: ერთობლივი საერთაშორისო საგანმანათლებლო პროგრამების მომზადება და განხორციელებას; „საერთაშორისო აკრედიტაციას“ - უცხოეთის სააკრედიტაციო სააგენტოს მიერ აკრედიტაციის მოპოვებას; სწავლისა და სწავლების, შეფასების მეთოდები, როგორც სწავლის შედეგების მიღწევის საშუალება ჰუმანიტარულ მეცნიერებებში.