„ჰორიზონტ 2020“-ის საგრანტო პროექტის „ცოდნის და აკადემიური კულტურის ურთიერთგაზიარება ჰუმანიტარულ მეცნიერებებში: ევროპა და შავი ზღვის რეგიონი, XVIII ს. მეორე ნახევარი - XXI ს.“ („Knowledge Exchange and Academic Cultures in the Humanities: Europe and the Black Sea Region, late 18th – 21st Centuries — KEAC-BSR“) ფარგლებში, 15 - 21 აპრილს ბლაგოევგრადის ნეოფიტ რილსკის სამხრეთ-დასავლეთ უნივერსიტეტში (ბულგარეთი) კონფერენცია და სემინარი ჩატარდა ვიზუალურ ანთროპოლოგიაში. ღონისძიებებში მონაწილეობა მიიღეს პროექტის ეროვნულმა კოორდინატორმა ბსუ-ში, ჰუმანიტარულ მეცნიერებათა ფაკულტეტის პროფესორმა მარინე აროშიძემ და სტუდენტებმა ხათუნა ხალვაშმა და ბექა მაკარაძემ.

სახელმწიფო ენის დეპარტამენტის, სახელმწიფო ენის ფუნქციონირების ზედამხედველობის სამსახურის უფროსმა, თსუ-ს და არნოლდ ჩიქობავას სახელობის ენათმეცნიერების ინსტიტუტის მთავარმა მეცნიერ თანამშრომელმა მარინა ბერიძემ ბსუ-ს ჰუმანიტარულ მეცნიერებათა ფაკულტეტის აკადემიური და მოწვეული პერსონალისთვის ჩაატარა ტრეინინგი: „ენა და ტექნოლოგიები - ქართული კორპუსული რესურსები კვლევისა და სწავლებისათვის“. ორდღიანი ტრეინინგის მიზანს წარმოადგენდა თანამედროვე ტექნოლოგიების გამოყენების დანერგვა სამეცნიერო კვლევებსა და საუნივერსიტეტო განათლების სხვადასხვა საფეხურზე სწავლებაში. პროგრამა მოიცავდა ლექციებისა და პრაქტიკული სამუშაოების სამ ბლოკს: ქართული დიალექტური ლექსიკოგრაფიული ბაზა და დიალექტური ატლასი - კვლევა და თანამშრომლობა.

ბათუმის შოთა რუსთაველის სახელმწიფო უნივერსიტეტში ქართული ფილოლოგიის დეპარტამენტის ორგანიზებით (მოდერატორი ასოცირებული პროფესორი ნანა ტრაპაიძე) ღონისძიება „აკადემიური წერა - პროცესი და შედეგები“ გაიმართა. ბსუ-ში მიმდინარე წლიდან პირველად სასწავლო საპილოტე სასწავლო კურსი აკადემიური წერა „მუდლის“ პროგრამის გამოყენებით ხორციელდება და ორიენტირებულია ცოდნაზე, ანალიზზე, აკადემიურ კეთილსინდისიერებაზე, ანტიპლაგიატზე. ღონისძიებაზე სხვადასხვა სპეციალობის სტუდენტებმა (ჰუმანიტარული, საბუნებისმეტყველო, ეკონომიკური, სამართლის მეცნიერებების და ტურიზმის) აკადემიური წერის სასწავლო კურსის ფარგლებში სხვადასხვა თემაზე შესრულებული კვლევების შედეგები პრეზენტაციების სახით წარმოადგინეს. სტუდენტებმა კარგად წარმოაჩინეს სასწავლო პროცესში შეძენილი ცოდნა: ზეპირი მეტყველების, ანალიზის და კრიტიკული აზროვნების უნარ-ჩვევები.

ბათუმის შოთა რუსთაველის სახელმწიფო უნივერსიტეტში დედა ენის დღისადმი მიძღვნილი ღონისძიებების ფარგლებში ლიტერატურული საღამო: „დედაენა, პოეზია, სიყვარული“ ჩატარდა. ლიტერატურული საღამო ბსუ-ს ჰუმანიტარულ მეცნიერებათა ფაკულტეტის ქართული ფილოლოგიის დეპარტამენტის ორგანიზებით ჩატარდა და ირაკლი აბაშიძის დაბადებიდან 110, გიორგი ლეონიძის - 120 და იოსებ გრიშაშვილის - 130 წლისთავს ეძღვნებოდა. ქართული ფილოლოგიის მიმართულების სტუდენტებმა ლიტერატურულ-მუსიკალური კომპოზიციით გაიხსენეს ქართველი პოეტების შემოქმედება და გასული საუკუნის ლიტერატურული ცხოვრება გააცოცხლეს. ახალგაზრდებმა საიუბილეო საღამოზე ირაკლი აბაშიძის, გიორგი ლეონიძის, იოსებ გრიშაშვილის ლექსები წაიკითხეს დამათ ლექსებზე შექმნილი სიმღერები შეასრულეს.

ბათუმის შოთა რუსთაველის სახელმწიფო უნივერსიტეტში აღმოსავლეთმცოდნეობის დეპარტამენტის ორგანიზებით მოსწავლეთა მეორე სამეცნიერო კონფერენცია გაიმართა თემაზე: „ახლო აღმოსავლეთი და საქართველო“. სხვადასხვა სკოლის მოსწავლეებმა კონფერენციაზე მოხსენებები წარმოდგინეს ახლო აღმოსავლეთისა და საქართველოს ისტორიული, ეთნოგრაფიული, არქეოლოგიური და კულტურული ურთიერთობების საკითხებზე.