ილიას სახელმწიფო უნივერსიტეტის ასოცირებულმა პროფესორმა სოფი ზვიადაძემ ბათუმის შოთა რუსთაველის სახელმწიფო უნივერსიტეტის სტუდენტებისათვის საჯარო ლექცია წაიკითხა თემაზე: „სეკულარიზმი და საქართველოს მართმადიდებელი ეკლესია“. მომხსენებელმა სეკულარიზმის პარადიგმის გათვალისწინებით განიხილა პოსტსაბჭოთა პერიოდში საქართველოს მართლმადიდებელი ეკლესიის როლი. ასევე ისაუბრა თუ რა ისტორიული და თანამედროვე მოვლენები ახდენს ზეგავლენას დღევანდელი ეკლესიის სტრუქტურასა და პრინციპებზე.

ჰუმანიტარულ მეცნიერებათა ფაკულტეტის სტუდენტთა სამეცნიერო კონფერენცია 1 ივნისს გაიხსნა. მუშაობა დაიწყო 6 სექციაში: ქართული ენა, (8 სტუდენტი) ქართული ლიტერატურა, (7 სტუდენტი) ლინგვისტიკა , (5 სტუდენტი) ინგლისური ლიტერატურა, (3 სტუდენტი) საქართველოს ისტორია, (9 სტუდენტი) მსოფლიო ისტორია (7 სტუდენტი). კონფერენციაში ბსუ-ს სტუდენტებთან ერთად, თბილისის სახელმწიფო უნივერსიტეტისა და აკაკი წერეთლის სახელმწიფო უნივერსიტეტის სტუდენტებიც მონაწილეობენ, სექციებში საინტერესო დისკუსიები მიმდინარეობს.

21-23 მაისს, ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის დელეგაცია (პროფ. მარინე გიორგაძე (ფაკულტეტის დეკანი), პროფესორი მამია ფაღავა, პროფესორი მაია ბარამიძე, პროფესორი მალხაზ ჩოხარაძე, დოქტორანტი მარიამ ჩოხარაძე) რიზეს რეჯეფ ტაიფ ერდოღანის სახელმწიფო უნივერსიტეტში იმყოფებოდა.ბსუ-ს პროფესორებმა რიზეს უნივერსიტეტის ქართული ენისა და ლიტერატურის სპეციალობის სტუდენტებს ლექციები წაუკითხეს ქართული ანბანის, ქართული სალიტერატურო ენისა და ქართული ლიტერატურის შესახებ და ქართული ენისა და ლიტერატურის კაბინეტს საჩუქრად ქართველი მწერლების წიგნები გადასცეს.

მალხაზ სიორიძის 60 წლის იუბილესადმი მიძღვნილი საერთაშორისო სამეცნიერო კონფერენცია გაიმართა ბათუმის შოთა რუსთაველის სახელმწიფო უნივერსიტეტში. ქართველმა, უკრაინელმა, პოლონელმა მკვლევრებმა სამეცნიერო ნაშრომი წარმოადგინეს ისტორიის აქტუალურ საკითხებზე და ბოლო პერიოდში წარმოებული კვლევის შედეგები შეაჯამეს. ასევე იმსჯელეს ისეთ თემებზე, როგორიცაა: 1921 წლის ყარსის ხელშეკრულება, ეროვნული საბჭოს მოღვაწეობა უმაღლესი საკანონმდებლო ხელისუფლების ორგანიზაციებისათვის (1918 წ. მაისი - 1919 წ. იანვარი), კონფესიური და ტერიტორიული პრობლემები ამიერკავკასიაში, ფლორიან ზელინსკი - XIX საუკუნეში კავკასიაში გადასახლებული პოლონელი შეთქმულნი, ევროკავშირის შექმნის სათავეებთან ქართველებიც იდგნენ და სხვ.

ბათუმის შოთა რუსთაველის სახელმწიფო უნივერსიტეტში შოთა რუსთაველის „ვეფხისტყაოსნის“ 850 წლის იუბილესადმი მიძღვნილი ღონისძიებები გაიმართა. პროფესორებმა რამაზ ხალვაშმა და შორენა მახაჭაძემ საჯარო ლექცია - „შოთა რუსთაველის „ვეფხისტყაოსანი“ - საქართველოს ერთ-ერთი მთავარი საიდენტიფიკაციო კოდი“ წაიკითხეს, ხოლო ასოცირებულმა პროფესორმა ციური ქათამაძემ მოხსენება - „შოთა რუსთაველი იერუსალიმის ჯვრის მონასტერში“ წარმოადგინა. 6 მაისის პარკში „ვეფხისტყაოსნი“ სტუდენტყებმა და პროფესორ-მასწავლებლემბა საჯაროდ წაიკითხეს ქართულ, ინგლისურ, გერმანულ, ფრანგულ, რუსულ, უკრაინულ, პოლონურ, თურქულ, არაბულ ენებზე. გამოიფინა სტუდენტთა მიერ „ვეფხისტყაოსნის“ თემაზე შესრულებული ნახატები, უნივერსიტეტის ბიბლიოთეკაში დაცული „ვეფხისტყაოსნის“ გამოცემები, ბათუმის შოთა რუსთაველის სახელმწიფო უნივერსიტეტის ატრიბუტიკა რუსთაველის ლოგოთი, სტუდენტთა და პროფესორ-მასწავლებელთა ხელით შესრულებული კალიგრაფიული ნიმუშები (სტროფები „ვეფხისტყაოსნიდან“) და მოეწყო აქცია -„დავამზადოთ და ვატაროთ კოკარდები“.