2016 წლის 6-8 აპრილს თურქეთის რესპუბლიკის ანკარის ჰასეტტესეს და ჩანაქკალეს 18 მარტის სახელობის უნივერსიტეტების მათემატიკის დეპარტამენტებში მოხსენენებები წაიკითხეს ბათუმის შოთა რუსთაველის სახელმწიფო უნივერსიტეტის მათემატიკის დეპარტამენტის დოქტორანტებმა ნინო ცინარიძემ და გიული თავდგირიძემ. სტუდენტთა მოხსენებები სადოქტორო ნაშრომს შეეხებოდა და თურქ კოლეგებს ნაშრომში მიღებული შედეგები გააცნეს. დოქტორანტთა სამეცნიერო ხელმძღვანელია იაშა დიასამიძე.
ფიზიკა-მათემატიკისა და კომპიუტერულ მეცნიერებათა ფაკულტეტს ეწვია ჩოხოტაურის რაიონის სოფელ ჩხაკოურას სკოლის მოსწავლეები. მოსწავლეებს მიმოხილვითი ლექცია ჩაუტარდათ, რომელიც მათ სამომავლო პროფესიული ორიენტაციის განსაზღვრაში დაეხმარებათ. მოსწავლეებმა ლაბორატორიები დათვალიერეს. შეხვედრის ორგანიზატორი იყო ჩვენი ფაკულტეტის „რადიოფიზიკის“ მაგისტტარურის სტუდენტი და ფიზიკის მასწავლებელი ჯუმბერ გიორგაძე. სტუმრებს ფაკულტეტის დეკანი გულადი ფარტენაძე და ფაკულტეტის ხარისხის სამსახურის უფროსი ნუგზარ ღომიძე შეხვდნენ და სამომავლო თანამშრომლობა და გაცნობითი ტურები დაგეგმეს.
საგრანტო პროექტის „გარემოს რადიო სპექტრალური დიაგნოსტიკა სიგნალისა და გარემოს დისპერსიულ მახასიათებლებს შორის კორელაციური ურთიერთკავშირის’’ დასკვნითი სამეცნიერო ანგარიში გაიმართა ბათუმის შოთა რუსთაველის სახელმწიფო უნივერსიტეტში. დასკვნით ანგარიშზე წარმოდგენილი იქნა სამეცნიერო პროექტის ფარგლებში შესრულებული სამუშაოები და შედეგები. პროექტი 3 წლის განმავლობაში მიმდინარეობდა და მასში 10 მეცნიერ-თანამშრომელი მონაწილეობდა. აღსანიშნავია, რომ პროექტის ფარგლებში შესრულებული სამეცნიერო ნაშრომები დაიბეჭდა ინგლისურენოვან სამეცნიერო ჟურნალებში, შეძენილი მატერიალურ-ტექნიკური ბაზა კი გამოყენებული იქნება ფიზიკა-მათემატიკისა და კომპიუტერულ მეცნიერებათა ფაკულტეტზე სასწავლო პროცესში. აგრეთვე, ფიზიკის დოქტორმა მირანდა ხაჯიშვილმა სადოქტორო დისერტაცია პროექტის ფარგლებში დაიცვა.
მიმდინარე წლის 4-5 აპრილს სპორტის საერთაშორისო დღისადმი მიძღვნილ სპორტულ შეჯიბრებებში, რომელიც მოსწავლე-ახალგაზრდობის პარკში გაიმართა, მონაწილეობას იღებდა ფიზიკა-მათემატიკისა და კომპიუტერულ მეცნიერებათა ფაკულტეტის მათემატიკის სპეციალობის მეორე კურსის სტუდენტი პაატა მახარაძე. ღონისძიების ორგანიზატორი იყო აჭარის რეგიონალური მასობრივი სპორტის ფედერაცია. მკლავჭიდში წარმატებული ასპარეზობისათვის პაატა დაჯილდოვდა სიგელით და თასით. ფიზიკა-მათემატიკისა და კომპიუტერულ მეცნიერებათა ფაკულტეტი ულოცავს ახალგაზრდა მათემატიკოს სპორცმენს წარმატებას და უსურვებს შემდგომ წარმატებებს ფაკულტეტისა და უნივერსიტეტის სასახელოდ.
ბსუ-ს რექტორის მოადგილემ ინგა შამილიშვილმა, ფიზიკა-მათემატიკისა და კომპიუტერულ მეცნიერებათა ფაკულტეტის დეკანმა, გულადი ფარტენაძემ და ხარისხის უზრუნველყოფის სამსახურის უფროსმა, ნუგზარ ღომიძემ ფიზიკა-მათემატიკისა და კომპიუტერულ მეცნიერებათა ფაკულტეტზე გამართულ საჯარო ლექციებში მონაწილეები სერთიფიკატებით დააჯილდოვეს. დაჯილდოვდნენ აკადემიური პირებიც, რომლებმაც საჯარო ლექციების ფარგლებში მოხსენებები წარმოადგინეს: იზოლდა ჯაბნიძე, ლალი კალანდაძე, ნუგზარ ღომიძე, დალი მახარაძე, ზებურ ავალიანი, ანზორ ბერიძე, მაია ძაძამია, თენგიზ ხინიკაძე, მიხეილ დონაძე, ციცინო სარაჯიშვილი და ზაზა დავითაძე.
