ბათუმის შოთა რუსთაველის სახელმწიფო უნივერსიტეტის რექტორის მოვალეობის შემსრულებელმა მერაბ ხალვაშმა და ვალენსიის (ესპანეთი) პოლიტექნიკურ უნივერსიტეტის რექტორის აპარატის უფროსმა პროფესორმა ხუან მიგელ მარტინეს რუბიოსმა შეთანხმების მემორანდუმს მოაწერეს ხელი. მემორანდუმი ორ უმაღლეს სასწავლებელს შორის გამოცდილების გაზიარებას, აკადემიური პერსონალის ურთიერთგაცვლას და საერთო ინტერესის სფეროებში მრავალხმრივი კვლევების განვითარებას ითვალისწინებს.

ბსუ-ს ფიზიკა-მათემატიკისა და კომპიუტერულ მეცნიერებათა ფაკულტეტის, ფიზიკის დეპარტამენტის მოწვეული სპეციალისტი მირანდა ხაჯიშვილმა ჩეხეთის რესპუბლიკაში, კერძოდ ქალაქ პრაღაში გამართულ საერთაშორისო სამეცნიერო სიმპოზიუმში მიიღო მონაწილეობა. სიმპოზიუმი ნახევარგამტარული მოწყობილობებისა და ინტეგრალური წრედების საკითხებს მიეძღვნა (ISPSD) და ელექტრონიკისა და ელექტრონული ინჟინერიის ინსტიტუტის (IEEE) მიერ იყო ორგანიზებული.

8-15 ივნისს, იტალიის ქალაქ მოდიკაში საერთაშორისო საგრანტო პროექტის “ლის ჯგუფები, დიფერენციალური განტოლებები და გეომეტრია-მხარდაჭერილი მარი კურის საერთაშორისო მეცნიერ-მკვლევართა გაცვლითი სქემის გრანტის FP7-PEOPLE-2012-IRSES-317721” ფარგლებში ჩატარებული კონფერენციის მუშაობაში კომპიუტერულ მეცნიერებათა დეპარტამენტის პროფესორი დავით დევაძე, ასოცირებული პროფესორი ციცინო სარაჯიშვილი და მასწავლებელი მარინა აბაშიძე მონაწილეობდა. მონაწილეებმა წარადგინეს მოხსენებები: ‘’ ოპტიმალური მართვის ამოცანა წრფივი დიფერენციალური განტოლებებისათვის და ამოხსნის რიცხვითი ალგორითმები’’’’ (დ.დევაძე, ც.სარაჯიშვილი,მ.აბაშიძე) და ‘’ წრფივი ალგებრის მეთოდების ერთი პრაქტიკული გამოყენება’’ .

შოთა რუსთაველის სამეცნიერო ფონდის საგრანტო პროექტის FR-152-9-240-14 ( მეცნ. ხელ-ლი პროფესორი ნ.ღომიძე) მეცნიერ- თანამშრომელი მირანდა ხაჯიშვილი ევროკავშირის კვლევისა და ინოვაციის ჩარჩო პროგრამა ‘’ჰორიზონტი 2020’’-ის სემინარზე იმყოფებოდა. შეხვედრის მიზანს საქართველოს მეცნიერებისათვის ევროკავშირის კვლევისა და ინოვაციის ჩარჩო პროგრამაში საქართველოს მონაწილეობასთან დაკავშირებით ინფორმაციის მიწოდება წარმოადგენდა.

სემინარზე მოწვეულნი იყვნენ ექსპერტები ევროკავშირის ქვეყნებიდან და ევროკომისიიდან, რომლებმაც პროგრამა ‘’ჰორიზონტი 2020’’-ის დაფინანსების მოპოვებისა და საერთო თანამშრომლობასთან დაკავშირებული საკითხები მიმოიხილეს. აგრეთვე, ექსპერტებმა ქართველ მეცნიერებს ეროვნული საკონტაქტო პირების (NCP) მხარდაჭერისა და საინფორმაციო-საკონსულტაციო ღონისძიებების გააქტიურების მექანიზმები გააცნეს ‘’ჰორიზონტი- 2020’’ შესაძლებლობის გამოყენების მიზნით და ბიზნესსა და მეცნიერებას შორის მჭიდრო თანამშრომლობის დამყარების კონტექსტში.

1-3 ივნისს, ბათუმის შოთა რუსთაველის სახელმწიფო უნივერსიტეტში გაიმართა პროფესორ ჯემალ ხუბუას საჯარო ლექცია: „მიკრო სამყაროს ფიზიკა - თანამედროვე ფიზიკის ყველაზე კვლევადი ნაწილი“.
ჯემალ ხუბუა ატომური კვლევების ევროპული ორგანიზაციის (CERN-შვეიცარია) ექსპერიმენტ ATLAS-ის ქართული ჯგუფის ლიდერი, 300-ზე მეტი შრომების ავტორი, მათ შორის „ჰიგსის ნაწილაკის“ აღმოჩენის შესახებ გახმაურებული შრომის თანაავტორია.