ბათუმის შოთა რუსთაველის სახელმწიფო უნივერსიტეტში ადამიანის უფლებების სამართლის საუნივერსიტეტო კვირეულის ფარგლებში, სამუშაო შეხვედრა გაიმართა თემაზე: „მოსამართლის როლი ადამიანის უფლებების დაცვის პროცესში“. სამუშაო შეხვედრაზე მოხსენებები წარმოადგინეს ამერიკის შეერთებული შტატების მოსამართლემ ჯეიმს რედვაინმა და საქართველოს საკონსტიტუციო სასამართლოს თავმჯდომარის მოადგილემ მანანა კობახიძემ. ადამიანის უფლებების სამართლის საუნივერსიტეტო კვირეული 2 დეკემბერს დაიწყო და მასში საქართველოს 15 უნივერსიტეტი მონაწილეობს. ღონისძიება USAID სამართლის უზენაესობის პროგრამის მხარდაჭერით იმართება.

ბათუმის შოთა რუსთაველის სახელმწიფო უნივერსიტეტში ადამიანის უფლებების სამართლის საუნივერსიტეტო კვირეულის ფარგლებში საჯარო დისკუსია გაიმართა თემაზე: „პიროვნების თავისუფალი განვითარების უფლება.“ სადისკუსიო თემაზე მოხსენება წარმადგინეს ბსუ-ს იურიდიული და სოციალურ მეცნიერებათა ფაკულტეტის სამართალმცოდნეობის საბაკალავრო პროგრამის პირველი კურსის სტუდენტებმა: ანა ხვედელიძემ, ნიკა ფარტენაძემ, მეგი პაქსაძემ, დავით კახიძემ და სანდრო კიკნაძემ. დისკუსიას მოდერაციას უწევდნენ პროფესორი მალხაზ ნაკაშიძე და მოწვეული მასწავლებელი ნიკოლოზ მეგრელიშვილი.

13 დეკემბერს, 16:00 საათზე, საერთაშორისო საჯარო სამართლის კურსის ფარგლებში ონლაინ-საჯარო ლექციას წაიკითხავს საერთაშორისო სამართლის ცნობილი ექსპერტი, საერთაშორისო სამართლის დოქტორი (Abo Akademi, Finland), სამართლის მაგისტრი (Columbia University (USA), ოსლოს უნივერსიტეტის აფილირებული მკვლევარი, ფინეთის იუვასკილას უნივერსიტეტის ლექტორი და მკვლევარი, პერუს ტექნოლოგიური უნივერსიტეტის მიწვეული პროფესორი ხუან-პაბლო პერეს-ლეონ-ასევედო. ლექციაზე განხილული იქნება საერთაშორისო სისხლის სამართლის ძირითადი ცნებები - საერთაშორისო სისხლის სამართალი და საერთაშორისო დანაშაულები.

ბსუ-ს სამართლისა და საჯარო მმართველობის დეპარტამენტის ხელმძღვანელის ომარ ფარტენაძის ორგანიზებით პრეზენტაცია გაიმართა ბათუმის მე-13 საჯარო სკოლის მეთერთმეტე და მეთორმეტე კლასის მოსწავლეებთან თემაზე: „სისხლისსამართლებრივი და ადმინისტრაციული კანონმდებლობის რეგულაციები ცივი იარაღის, ქურდობის, ხულიგნობის, თამბაქოსა და ნარკოტიკების მოხმარებისა და ორგანიზებულ დანაშაულთან მიმართებაში“. პროფესორ ომარ ფარტენაძესთან ერთად პრეზენტატორები იყვნენ სამართალმცოდნეობის სპეციალობის მეოთხე კურსის სტუდენტები: თემო ქარცივაძე, მარიამ წულუკიძე, ლუკა ტაკიძე, თათია მჟავანაძე. შეხვედრა კითხვა-პასუხის რეჟიმში წარიმართა და პრეზენტატორებმა მოსწავლეების შეკითხვებს უპასუხეს.

2022 წლის 2-10 დეკემბერს ადამიანის უფლებების სამართლის საუნივერსიტეტო კვირეული ჩატარდება. კვირეულის ფარგლებში ბათუმის შოთა რუსთაველის სახელმწიფო უნივერსიტეტში დაგეგმილია: საჯარო დებატების ტურნირი, საჯარო დისკუსია და სამუშაო შეხვედრა. ზეამოღნიშნულ აქტივობებში მონაწილეობას მიიღებენ იურიდიული და სოციალურ მეცნიერებათა ფაკულტეტის სტუდენტები და მოწვეული სტუმრები. კვირეულში საქართველოს 15 უნივერსიტეტი მონაწილეობს. კვირეული USAID სამართლის უზენაესობის პროგრამის მხადრაჭერით იმართება.