ბათუმის შოთა რუსთაველის სახელმწიფო უნივერსიტეტში ადამიანის უფლებების სამართლის საუნივერსიტეტო კვირეული გაიმართა. ღონისძიების ფარგლებში, 8 დეკემბერს საპარალამენტო დებატები ჩატარდა თემაზე: „ამ პალატას სჯერა სახალხო დამცველის“, საპარლამენტო დებატების ტურნირში მონაწილეობა ბსუ-ს სტუდენტებმა მიიღეს, რომელშიც საქართველოს 14 უმაღლესი საგანმანათლებლო დაწესებულება იყო ჩართული.
9 დეკემბერს ასევე შედგა საჯარო დისკუსია "პანდემიის გავლენა ადამიანის უფლებათა მდგომარეობაზე", შეხვედრაზე სტუდენტებმა წარმოადგინეს მოხსენებები და იმსჯელეს აქტუალურ საკითხებზე.

გამოცხადდა ბსუ-ს იურიდიული და სოციალურ მეცნიერებათა ფაკულტეტის იურიდიულ კლინიკის სასწავლო პრაქტიკის/სტაჟირების მონაწილე სტუდენტთა შესარჩევი კონკურსი. კონკურსში მონაწილეობა შეუძლიათ სამართალმცოდნეობის საბაკალავრო საგანმანათლებლო პროგრამის III და IV კურსის სტუდენტებს. დეტალური ინფორმაცია იურიდიული კლინიკის სასწავლო პრაქტიკის/სტაჟირების კონკურსის შესახებ იხილეთ დანართში.

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის ასოცირებული პროფესორი, სამართლის მეცნიერთა კავშირის და საქართველოს იურიდიულ მეცნიერებათა აკადემიის ნამდვილი წევრი გივი აბაშიძე საქართველოს კრიმინოლოგიის მეცნიერებათა აკადემიამ წევრად - აკადემიკოსად აირჩია. უნივერსიტეტი ულოცავს ასოცირებულ პროფესორ გივი აბაშიძეს საპატიო წოდების მინიჭებას და უსურვებს წარმატებებს სამეცნიერო საქმიანობაში.

ბათუმის შოთა რუსთაველის სახელმწიფო უნივერსიტეტმა ბრიტანეთის საზღვაო ფლოტის ადმირალ ჯეიმს მორლს, ამერიკის შეერთებული შტატების საზღვაო ქვეითთა კორპუსის კაპიტან ჯონათან ლიპსს და ამერიკის საელჩოს თავდაცვის ატაშეს პოლკოვნიკ სტეფან ბეგლის უმასპინძლა. დელეგაციის წარმომადგენლები ბსუ-ს იურიდიული და სოციალურ მეცნიერებათა ფაკულტეტის სტუდენტებს შეხვდნენ და ჩრდილოატლანტიკური ალიანსის თავდაცვისა და უსაფრთხოების საკითხებზე ესაუბრნენ. შეხვედრას მოდერაცია გაუწიეს საქართველოში აშშ-ის საელჩოს საზოგადოებასთან ურთიერთობის განყოფილების ხელმძღვანელმა ქეთრინ შვაიცერმა და საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის დირექტორმა თამარა წულეისკირმა. შეხვედრა კითხვა-პასუხის რეჟიმში წარიმართა და სტუმრებმა სტუდენტების აქტუალურ შეკითხვებს უპასუხეს.