20-23 ოქტომბერს „Erasmus+”-ის პროექტის „რეგიონული უნივერსიტეტების როლი რეგიონის განვითარებაში” კონსორციუმის წევრი უნივერსიტეტების მონაწილეობით ზუგდიდის შოთა მესხიას უნივერსიტეტში სამუშაო შეხვედრები გაიმართა. ღონისძიებაში მონაწილეობა მიიღეს ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის დეკანმა მარინა გიორგაძემ, პროექტის კოორდინატორმა ბსუ-ში ხათუნა ბერიძემ და ბსუ-ს პროფესორმა გიზო ფარცხალაძემ. RURD-ის პროექტის მონაწილეებს ზუგდიდის შოთა მესხიას უნივერსიტეტის რექტორი, პროფესორი თეონა ხუფენია და ზუგდიდის მერის მოვალეობის შემსრულებელი კონსტანტინე კაკავა მიესალმნენ.

2021 წლის 26 ნოემბერს, ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ფილოსოფიის დეპარტამენტი, იუნესკოს პროგრამის ფარგლებში, ატარებს ფილოსოფიის მსოფლიო დღისადმი მიძღვნილ საერთაშორისო სამეცნიერო კონფერენციას „თანამედროვე ფილოსოფიის პრობლემები“. კონფერენცია ეძღვნება ცნობილი ქართველი ფილოსოფოსისა და საზოგადო მოღვაწის, ფილოსოფიის მეცნიერებათა დოქტორის, პროფესორ მიხეილ მახარაძის დაბადებიდან 75-ე წლისთავს.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ფილოსოფიის დეპარტამენტისა და ვარლამ ჩერქეზიშვილის სახელობის ინტერდისციპლინური კვლევების ცენტრის (აღმოსავლეთ ევროპის უნივერსიტეტი) ორგანიზებით ჩატარდა დოქტორი დეტლეფ ფონ დანიელსის (გეორგ-აუგუსტის უნივერსიტეტი, გიოტინგენი, გერმანია) საჯარო ლექცია თემაზე: „ჰაიდეგერის გამოწვევა ლიბერალიზმისთვის, ანუ როგორ გადავიაზროთ პოლიტიკური ფილოსოფია“.

„Erasmus+”-ის ინსტიტუციური განვითარების პროექტის - „რეგიონული უნივერსიტეტების როლი რეგიონის განვითარებაში” (RURD – role of universities in the regional development) ფარგლებში ბათუმის შოთა რუსთაველის სახელმწიფო უნივერსიტეტში სამუშაო შეხვედრა გაიმართა. ღონისძიებაში მონაწილეობა მიიღეს ბსუ-ს რექტორმა, პროფესორმა მერაბ ხალვაშმა, აჭარის ა.რ. განათლების, კულტურისა და სპორტის მინისტრის მოადგილემ ბადრი ნაკაშიძემ, აჭარის ა. რ. ტურიზმისა და კურორტების დეპარტამენტის თავმჯდომარემ თინათინ ზოიძემ და პროფესორ-მასწავლებლებმა.

ბსუ-ს ჰუმანიტარულ მეცნიერებათა ფაკულტეტის არქეოლოგიისა და ლიტერატურათმცოდნეობის სადოქტორო პროგრამების დოქტორანტებმა: ანდრია როგავამ, თამაზ დარჩიძემ და მარინა მჟავანაძემ შოთა რუსთაველის საქართველოს ეროვნული სამეცნიერო ფონდის დოქტორანტების კვლევითი გრანტების 2021 წლის კონკურსში გაიმარჯვეს. ანდრია როგავა სადისერტაციო ნაშრომზე ემერიტუს-პროფესორ შოთა მამულაძის ხელმძღვანელობით მუშაობს, თამაზ დარჩიძე - ემერიტუს-პროფესორების: შოთა მამულაძის და ამირან კახიძის ხელმძღვანელობით, ხოლო მარინა მჟავანაძეს ხელმძღვანელობას პროფესორები: რამაზ ხალვაში და მანანა თანდაშვილი უწევენ. ბათუმის შოთა რუსთაველის სახელმწიფო უნივერსიტეტი ულოცავს ახალგაზრდა მკვლევარებს გამარჯვებას და უსურვებს წარმატებებს.