8-9 იანვარს, ბსუ-ში ფილოლოგიურ მეცნიერებათა დოქტორმა ცირა ბარბაქაძემ ტრენინგი ჩაატარა თემაზე: „განათლება ციფრულ სამყაროში - მეტაფორული გადატვირთვა“. მეტაფორული აზროვნება (აბდუქციური აზროვნება) ინტუიციური და შემოქმედებითი აზროვნებაა, რომლის გააქტიურებით მსმენელები სამყაროს „ცოცხალ სურათს“ აღიქვამენ; ჩვენ ვცხოვრობთ მეტაფორების გარემოცვაში და მათი ახსნით სამყაროს ახალ ვერსიას ვხედავთ. ტრენინგის მონაწილეებმა განიხილეს საკითხები: რა არის მეტაფორა? აბდუქციური აზროვნების ტექნიკა; მეტაფორის ძალა. ენობრივი მეტაფორებიდან მხატვრულ მეტაფორებამდე; მეტაფორა და რეალობა. როგორ ცვლის მეტაფორა ცხოვრებას; მეტფორები კულტურაში; სიყვარულის მეტაფორები; მეტაფორა - გულისა და გონების შეხვედრის ადგილი; როგორ შევქმნათ მეტაფორები; მეტაფორა და ვიზულური ხელოვნება; მეტაფორები პოლიტიკურ და სოციალურ ცხოვრებაში; მეტაფორები ფსიქოლოგიაში; მეტაფორა და თავის ტვინის მარჯვენა ნახევარსფერო; ფრაზეოლოგიური მეტაფორები და მათი გავლენა ცნობიერებაზე; მეტაფორა, როგორც ნეიროლინგვისტური პროგრამირების ენა; მონაწილეობა მიიღეს საინტერესო აქტივობებში.

ბათუმის შოთა რუსთაველის სახელმწიფო უნივერსიტეტი ულოცავს ჰუმანიტარულ მეცნიერებათა ფაკულტეტის ასოცირებულ პროფესორ ნანა ტრაპაიძეს პრემია „საბას“ მეორედ მოპოვებას ნომინაციაში - „წლის საუკეთესო კრიტიკა“.

ბათუმის შოთა რუსთაველის სახელმწიფო უნივერსიტეტმა აშშ-ს საელჩოს მედია განათლების პროგრამის ფარგლებში, რომლის განმახორციელებელი ამერიკული მხარეა ორგანიზაცია WorldChikago, ამერიკელ მედიაექსპერტებსა და საქართველოში აშშ-ს საელჩოს წარმომადგენლებს უმასპინძლა. საპასუხო ვიზიტი ქართული მხარის ამერიკაში სასწავლო კურსის გავლის შემდეგ განხორციელდა და ქართული მედიასკოლების წარმომადგენლებისათვის ამერიკული გამოცდილების გაზიარებას ითვალისწინებდა. მედიაგანათლების პროგრამის ფარგლებში, ბათუმის შოთა რუსთაველის სახელმწიფო უნივერსიტეტისა და თბილისის ივ. ჯავახიშვილის სახელობის უნივერსიტეტების თანამშრომლობით მომზადდა ახალი ერთობლივი სამაგისტრო საგანმანათლებლო პროგრამა „ციფრული მედია და ინოვაციები“, რომელიც აკრედიტაციის პროცესშია.

ბსუ-ში ჰუმანიტარულ მეცნიერებათა ფაკულტეტის ორგანიზებით გაიმართა დიდი ქართველი მწერლის, XX საუკუნის ქართული ლიტერატურის კლასიკოსის, ჭაბუა ამირეჯიბის, 100 წლისადმი მიძღვნილი ღონისძიება.
ღონისძიებას ესწრებოდნენ ბსუ-ს პროფესორ-მასწავლებლები, სტუდენტები და მოწვეული სტუმრები თბილისიდან, ქუთაისიდან, აჭარის მწერალთა სახლიდან. შეხვედრას უძღვებოდნენ უნივერსიტეტის რექტორი, პროფ. მერაბ ხალვაში და ფაკულტეტის დეკანი, პროფ. მარინე გიორგაძე.

ბათუმის შოთა რუსთაველის სახელმწიფო უნივერსიტეტი ჩართულია საქართველოში აშშ-ს საელჩოს მედია განათლების MEDIA EDUCATION PROGRAM (MEP) საგრანტო პროგრამაში. პროგრამის ფარგლებში ბსუ-ს სამუშაო ვიზიტით ჩიკაგოს დეპოლის უნივერსიტეტის, სამხრეთ ილინოისის სახელმწიფო უნივერსიტეტის პროფესორები, მედიაექსპერტები და საქართველოში აშშ-ს საელჩოს წარმომადგენლები ეწვივნენ.